Каде скопјани ги закопуваат своите домашни миленици?

Каде скопјани ги закопуваат своите домашни миленици?

Темаод gorco » 5 Ное 2012, 00:07

Скопјани немаат каде да ги закопуваат своите починати миленици, па се снаоѓаат и тоа го прават во своите дворови, во блиските паркови или на Водно. Некои од нив се одлучуваат за полесно решение и телата на животните ги фрлаат во контејнери. Други, пак, се ослободуваат од нив фрлајќи ги во предградијата што претставува голем проблем за локалните жители кои се жалат често на неподносливата смрдеа. Сето тоа затоа што од Град Скопје сѐ уште не е предвидена локација за погребување на миленици.

Слика

Оттаму велат дека одлагањето на мршите на миленичињата на јавни провршини е казниво со закон. На тој начин се прекршува законот за јавна чистота и доколку некој биде фатен во таква активност, ќе му биде изречена соодветна глоба.
За отстранување на мршите од јавните површни се задолжени ЈП „Комунална хигиена“, стационарот „Вардариште“ и ЈП „Дрисла“. Но кога станува збор за домашните миленици, овие институции немаат надлежност, иако постои можност за одредена цена сопствениците на домашни миленици да ги полагаат мршите на депонијата „Дрисла“.
-За ваква услуга сопствениците треба да се јават во стационарот „Вардариште“, од каде специјална екипа ќе ги подигне остатоците и ќе ги транспортира во јамата „Дрисла“. Цената за услугата е симболична – велат од Град Скопје.
Но, што е со оние сопственици кои емотивно се приврзуваат со своите миленици и потоа им е тешко да се збогуваат со нив? Многумина од нив чекаат од локалните власти да се најде локација за гробишта на домашните миленици, каде што сопствениците ќе можат прописно да ги погребаат животните за кои се грижеле. Од Здружението за заштита на животни, Анима Мунди, се песимистични по ова прашање.
-Во градов нема локација за закопување на домашните миленици и не веруваме дека наскоро ќе има. Не веруваме дека е во план да се изгради и затоа на граѓаните не им останува ништо друго освен да импровизираат – велат од Анима Мунди.
Ветеринарите сметаат дека е подобро да се инвестира во нужноста на овој проблем, отколку во градбите, фасадите и спомениците.
-Проблем е тоа што Скопје нема гробишта за миленици како што имаат Лондон и Париз веќе сто години. Граѓаните ги закопуваат милениците каде што можат, но најчесто ги фрлаат во контејнери од каде што ги земаат од „Комунална хигиена“ и ги носат во „Дрисла“. Тоа е жално затоа што многумина сопственици толку се приврзуваат за своите миленици што потоа низ солзи и со плачење се одделуваат од нив. Затоа, Градот треба да преземе иницијатива за изградба на специјализирани гробишта - вели д-р спец. за животни, Перо Божиновски.
Маја Васева
Членски аватор
gorco
Rookie
Rookie
 
Мислења: 59
Регистриран: 6 Дек 2010, 20:22
Локација: Skopje

Врати се во Ваши идеи како да се помогне на животните

Кој е Присутен

Членови кои ја разгледуваат оваа тема: Нема регистрирани членови and 0 гости