milenicinja.mk » Раси на кучиња » Аљаски Маламут

Аљаски маламут

  • Стандарди: FCI група 5 (Шпиц и Примитивни видови), Секција 1: Нордиски кучиња влечачи на санки, #243
  • Класификација: работно куче; влечно куче; домашно милениче
  • Други имиња: Alaskan Malamute
  • Земја на потекло: Аљаска
  • Хипоалергично: Не
  • Животен век: 12 до 15 години
  • Темперамент: друштвени, предани и верени, самостојни
  • Тежина: 38 – 55 кг,
  • Висина: 59 – 71 см,
  • Бои: сива
  • Форум за Аљаски маламут

Земја на потекло - историјат

Аљаскиот маламут потекнува од арктичкиот регион каде го преживувал стдуот благодарение на неговото дебело крзно. Најпрво биле забележани во аљасканското село на Махлемутите кои биле Инуитско племе кое живеело во западниот дел на Аљаска. Аљаските маламути биле важен дел од племето Махлемут. Тие им биле придружници на луѓето од племето, но и работеле и ловеле и живееле заедно со нив. Тие биле ценети поради нивната големина и снага што ги правело одлични помошници кога требало да се влечат телата на фоки и мечки до селото. Ти биле ценети работници и придружници. Оваа раса била во опасност од истребување во периодот на златната треска во Аљаска во 1896 година, но биле спасени од еден одгледувач од Нењ Енгланд во 1920 години за подоцна и да порасне нивната популарност. Овие силни кучиња биле дел од походот на јужниот пол во 1933 кога служеле како влечни кучиња на санки, како и и неизоставен дел од периодот на Втората светска војна кога биле трагачи и спасувачи. Аљаките маламути се прототип на моќните и непоколебливи влечни кучиња.

Тело

Телата им се изградени од широка глава и тешки коски што ги прави способни за влечење тежина. Имаат голема рилка, кафеави очи во форма на бадем и триаголни, заоблени уши. Имаат прав грб и големи нозе. Опашката е со густо крзно и превиткана над грбот.

Крзно

Аљаскиот маламут има дебело двослојно крзно. Надворешното крзно е дебело и грубо, додека внатрешното крзно е мазно и волнено. Крзното е или чисто бело или мешавина од бело со црно, сиво или црвено, со бели нозе и бела рилка. Крзното на овие кучиња расте во зима, а се митари на пролет.

Карактер

Аљаските маламути се друштвени, предани и верени, но може да бидат и доста самостојни. Додека се мали кутриња тие се многу поенергични отколку кога ќе остарат. Се приврзуваат многу со својот сопственик. Не им пречи да живеат надвор доколку имаат доволно човечко друштво. Но, не се навикнати да живеат на топла клима, па доколку живеат на потопло место ќе им треба многу сенка, ладење и вода. Генерално, тие се мирни и тивки, но знаат и да завиваат и сакаат да копаат. Добро се сложуваат со децата, особено со постарите. Нивната друштвеност ги прави помалку соодветни за кучиња-чувари. Поради нивниот силен ловџиски инстинкт ќе треба да ги надгледувате кога се блиску до други помали раси на кучиња или други домашни миленици. Потребна е рана социјализација за аљаските маламути да се согласуваат добро со други домашни миленичиња. Овие кучиња може да се однесуваат агресивно кон кучиња од нивната раса кои се од ист пол.

Дресура

Иако аљаските маламути се друштвени и љубезни, сепак дресирањето треба да биде строго за ваквото куче да стане послушно. Може да биде потешко некои од аљаските маламути да ги издресирате да уринираат на определеното место.

Исхрана

Тие јадат се што ќе им дадете, па внимавајте со количината храна која им ја давате за да не станат предебели.

Неопходна грижа

Крзното на аљаскиот маламут не треба да се тимари многу често, но за време на митарењето треба добро да се четка со поцврста четка.

Тренинг

На овие кучиња им е потребно многу движење и вежби. Потребно е барем еден час секојдневно исцрпно вежбање. Сакаат да влечат санки или било кој вид товарни коли и приколки, но исто така уживаат и да трчаат и да талкаат. Доколку не се движат и размрдуваат доволно, аљаските маламути може да станат депресивни.

Заболувања

Овие кучиња најчесто заболуваат од некои мускулоскелетни болести или имаат дерматолошки проблеми.

Најава






Немате корисничко име, регистрирајте се.
прашајте др. ветеринар
изгубено-најдено