milenicinja.mk » Раси на кучиња » Американски Стафордшир Бултериер

Американски Стафордшир бултериер

  • Стандарди: FCI група 3 (Териери), Секција 3: Булдози, #286
  • Класификација: куче чувар
  • Други имиња: American Staffordshire Bull Terrier
  • Земја на потекло: Америка
  • Хипоалергично: Не
  • Животен век: 11 до 13 години
  • Темперамент: лојални, строги кон себе, настојчиви, предани, бучни
  • Тежина: 16 – 22 кг,
  • Висина: 40– 48 см,
  • Бои: црвена и беж со или без бели прамени
  • Форум за Американски Стафордшир бултериер

Земја на потекло - историјат

Американскиот Стафордшир териер се добил со вкрстување на булдозите со постарите видови териери. Тие се тесно поврзани со американскиот питбул териер со кој се сметале за иста раса до 1960 години. Порано американските Стафордшир териери била користени за нелегални борби со кучиња во Америка. Расата била препознаена и призната како посебна раса во 1963 година. Овие териери биле многу популарни меѓу ранчерите и фармерите на кои им служеле како чувари, придружници и за ловење диви свињи и добиток. И покрај нивната репутација на диви и бесни кучиња, тие се сепак и верни кучиња чија популарност како домашни миленичиња секој ден се повеќе расте. Агресивноста на овие териери најчесто е насочена кон други кучиња, а не луѓето, но истата може да биде надмината со правилна дресура. Многу американски Стафордшир териери се и полициски кучиња кои со трагање и душкање им помагаат на полицајците да лоцираат незаконски супстанци како дрога на пример. Popsicle е едно од најпознатите американски Стафордшир териери кое го лоцирало еден од најважните претреси за нелегално поседување на огромна количина кокаин во историјата на FDA.

Тело

Овие териери се набиени, мускулести и силни. Имаат прилично долг грб, широки и длабоки гради, и прави предни нозе. Имаат широка глава со големи образи, округли очи и многу остри заби. Имаат високопоставени уши кои се шпицести и можат да бидат кастрени.
Опашката е нископоставена и умерено кратка.

Крзно

Американскиот Стафордшир териер има кратко, густо и сјајно крзно. Прифатливи се сите бои на крзно, но најмногу се преферира црвена и беж боја со или без бели прамени. Овој териер се митари просечно.

Карактер

Американските Стафордшир териери се лојални, строги кон себе и настојчиви. Имаат многу енергија, па доста се издржливи. Тврдоглави се и бестрашни, но многу внимателни и нежни со фамилијата која ги чува. Добро се сложуваат со луѓе на секоја возраст, а особено добро со децата. Добро ќе се сложуваат и со мачки и други домашни миленици доколку соодветно ги социјализирате. Доколку не ги дресирате и социјализирате навреме тие може да бидат агресивни и да се степаат со други кучиња, особено доколку се предизвикани. Тие се одлични чувари на домот. Пријателски се настроени кон туѓинци доколку нивниот сопственик е присутен. Ваквите териери се прекрасни домашни миленичиња доколку фамилијата која ќе реши да чува вакво куче може да ја поднесе буката која овие териери може да ја направат. Бараат многу внимание од својот сопственик, на кого сакаат да му угодат, па ќе ви бидат верни и посветени.

Дресура

Уште додека се мали треба да ги научите да не го влечат ременот, бидејчи откако ќе пораснат тие се доста силни кучиња. Доколку дресирањето е доследно тие ќе научат многу. Интензивна социјализација е потребна уште од рана возраст за да се избегне да станат агресивни и премногу бучни. Сепак, тие се и послушни и сакаат да му угодат на својот сопственик. Дресирањето треба да биде строго, но трпеливо и учтиво.

Неопходна грижа

Крзното на американскиот Стафордшир териер треба да се четка периодично со гумена четка за да се отстранат мртвите и оштетени влакна. Тие може да живеат надвор, но преферираат да живеат внатре во домот со фамилијата.

Тренинг

На американските Стафордшир териери им е потребно многу движење. Ќе обожаваат да трчаат покрај вашиот велосипед или да го фаќаат летечкото топче или фризби. Тие може да живеат во стан под услов да добиваат доволно внимание и вежби за да се раздвижат колку што им е потребно да ја потрошат својата енергија.

Најава






Немате корисничко име, регистрирајте се.
прашајте др. ветеринар
изгубено-најдено