milenicinja.mk » Раси на кучиња » Австралиско Пастирско Куче

Австралиско пастирско куче

  • Стандарди: FCI група 1 (Овчарски и пастирски кучиња), Секција 2: Пастирски кучиња (освен швајцарски), #287
  • Класификација: пастирско куче
  • Други имиња: Australian Cattle Dog / ACD / Cattle Dog / Blue Heeler / Red Heeler / Queensland Heeler
  • Земја на потекло: Австралија
  • Хипоалергично: Не
  • Животен век: 13 до 15 години
  • Темперамент: паметно, сака да учи и да биде раздвижено, доста активно и енергично, верно, предано
  • Тежина: Мажјак: 15–16 кг; Женка: 14–16 кг
  • Висина: Мажјак: 18–20 инчи (46–51 cm); Женка: 17–19 инчи (43–48 cm)
  • Бои: шарено црвена со црни прамени на главата, шарено сина со прамени во било која боја освен црна
  • Форум за Австралиско пастирско куче

Земја на потекло - историјат

Австралиското пастирско куче потекнува од Австралија од ЏИЏ век. Во 1840 година, еден човек по име Томас Хал ги вкрстил кучињата на говедарите од фармата на татко му со специфичните австралиски динго кучиња и ја добил првата варијанта на австралиските пастирски кучиња. Тие биле потребни за да го водат и чуваат стадото на подолги дистанци и посурови терени. Варијантата која ја добил Томас Хал, во 1870 година била вкрстена со бул териер што допринело расата да стане поагресивна, а поцодна и со далматинец што ја зголемило агилноста на кучињата. Едно вакво австралиско пастирско куче по име Блуи живеело од 1910 до 1939 година, и е регистрирано како куче со најдолг животен век во Гинисовата книга на рекорди.

Тело

Телото им е широко, со мускулести раменици, цврст грб и цврст мускулест врат. Ушите им се со средна големина, широки и шпицести. Опашката пак им е нископоставена, со доста крзно и може да биде крената за време на движење, но никогаш не е свиткана анд грбот.

Крзно

Крзното на австралиското пастирско куче е двојно. Надворешното крзно е отпорно на различни временски услови, густо, кратко и помалку грубо, додека внатрешниот слој крзно е исто така густо и кратко, но меко. Должината на влакната е околу 2,5 – 4 сантиметри. Кучињата од оваа раса се раѓаат со бело крзно кое постепено сѐ повеќе и повеќе ја добива својата боја како што кучето расте.

Карактер

Австралиското пастирско куче е паметно куче кое е желно да работи. Тоа е верно и предано. Ретко лае. Доста е енергично и сака да си игра. Понекогаш, може да биде тврдоглаво и самостојно, но многу се послушни и претпазливи доколку соодветно се дресираат и социјализираат. Не се погодни за живот во стан.

Дресура

Бидејќи ова се послушни и паметни кучиња, дресирањето е лесен и едноставен процес. Австралиското пастирско куче може да научи најразлични трикови и ќе обожава да игра фризби на пример. Ваквите кучиња треба да се постојано во друштво и постојано да се зафатени и активни, бидејќи доколку не се, можат да станат непослушни, немирни и злонамерни.

Неопходна грижа

Потребно е само повремено тимарење со чешел или четка за да се отстранат мртвите влакна.

Тренинг

Потребна е постојана раздвиженост, физичка активност и вежби за австралиското пастирско куче да биде среќно.

Заболувања

Овие кучиња најчесто имаат проблеми со мускулите, репродукцијата и слепило.

Најава






Немате корисничко име, регистрирајте се.
прашајте др. ветеринар
изгубено-најдено