milenicinja.mk » Раси на кучиња » Џек Расел Териер

Џек Расел териер

  • Стандарди: FCI група 3 (Териери), Секција 2: Мали териери, #345
  • Други имиња: Jack Russell Terrier
  • Земја на потекло: Англија
  • Хипоалергично: Не
  • Животен век: 13 – 16 години
  • Темперамент: енергични, тврдоглави, безстрашни, интелигентни, агресивни, пријателски
  • Тежина: 6,4 – 8,2 кг
  • Висина: 25 – 38 cm
  • Бои: бела со црно-кафеави дамки
  • Форум за Џек Расел териер

Земја на потекло - историјат

Своето име го добива по свештеникот Џон Расел, ловецот на лисици од средината на 19. век од Англија, кој одгледувал териери со цел да открие куче кое кое би можело да трча брзо речиси како коњ и ќе биде способно да ги лови лисиците. Неговата работа се покажала како успешна, а териерите станале познати и популарни како први ловџиски кучиња.

Тело

Големина на Џек Расел: 10 – 15 инчи во гребен. Имаат рамен череп, мали очи, мали уши со облик на буквата V насочени кон лицето, силни заби (ножици залак). Џек Раселот има рамен грб, висока „среќна“ опашка која делува како да е закачена, и мали заоблени шепи. Предните нозе треба да се исправени и силни. Работните Џек Расел териери треба да имаат гради со ширина до 14 инчи. Треба да се повисоки, а не подолги.

Крзно

Постојат три различни типови на крзно кај Џек Раселот. Мазното крзно кај оваа раса на кучиња, се одликува со густо, мазно влакно, со должина од еден сантиметар низ целото тело. Грубото крзно, се одликува со двоен слој во должина од 10 сантиметри низ целото тело. „Скршеното крзно“ претставува мешавина од претходните две. Сите видови на крзно кај Џек Расел териерите се густи. Кај нив, преовладува белата боја, со шари во кафена, црна, лимон боја или можат да бидат вклучени сите три бои. Обично, шарите се наоѓаат во пределот на главата и опашката.

Карактер

Тие се храбри (понекогаш претерано), весели, среќни и сигурни во себе. Сопствениците на Џек Расел треба да се полни со трпение и во секој момент подготвени да се забавуваат и трчаат со нив, поради нивната темпераментност. Џек Расел Териерите имаат голема љубов кон сопствениците и секогаш се спремни да ги одбранат.

Дресура

Тие учат доста брзо, но секогаш ќе се обидуваат да има нешто што ќе биде по нивно. Козистентност е клучот за добра дресура. Џек Расел териерите се интелигентни и храбри кучиња, кои умеат да научат многу нови нешта и различни игри. Тие имаат навидум неисцрпна енергија и потреба од задолжителни прошетки и игри во текот на денот. Копање, лаење или бегање се неколку знаци кои ги покажуваат доколку не се задоволни од дневната физичка активност и на тој начин ја покажуваат нивната енергија. Не се многу идеални за чување во стан, тие се најсреќни кога имаат голем двор каде што можат почесто да трчаат.

Грижа

Сите три вида на крзно кај нив се лесни за одржување и потребно е да се четкаат со гумена четка со цел да се отстранат мртвите влакна. Тие се познати по нивната добра здравствена состојба и долг животен век. Кај кученцата, потребно е да се тестира нивниот слух.

Најава






Немате корисничко име, регистрирајте се.
прашајте др. ветеринар
изгубено-најдено