milenicinja.mk » Раси на кучиња » Тибетски Мастиф

Тибетски мастиф

  • Стандарди: FCI група 2 (Пинчови и Шнауцери, Молоси и Швајцарски Планински кучиња), Секција 2: Молоси, #230
  • Класификација: куче чувар
  • Други имиња: Tibetan Mastiff / Do Khyi / Tsang-khyi
  • Земја на потекло: Тибет
  • Животен век : 13 до 15 години
  • Тежина: 64 – 78 кг,
  • Висина: 61 – 17 см,
  • Бои: црна, златно-кафена, сива
  • Форум за Тибетски мастиф

Земја на потекло - историјат

Тибетскиот мастиф е античка раса на кучиња која потекнува од големите кинески кучиња од вториот милениум п.н.е. Се верува дека пристигнале во Азија со армијата на хунскиот крал Атила. Се вели дека оваа раса била доста влијателна и дека од неа потекнуваат и бернардинецот, њуфаундландското куче, мопсот и многу други раси на кучиња. Нивната улога била да ги чуваат стадата, манастирите, па и цели села. Марко Поло се запознал со тибетскиот мастиф за време на неговото патување низ Азија и ги опишал како „големи како магаре, со моќен глас колку на лавот“. Тибетските мастифи биле непознати надвор од границите на Азија се до 1847 година кога кралицата Викторија добила еден тибетски мастиф на поклон. За време на кинеската инвазијата во Тибет, во 1959 година, опстанокот на тибетските мастифи бил загрозен. Далај Лама му испратил два тибетски мастифи на прецедателот Ајзенхауер во обид да го зачува видот, но размножувањето на расата не било успешно. Во 1970 година поголем број вакви кучиња од Индија и Непал биле испратени во Америка и Европа каде успешно продолжило одгледувањето на расата. Како и да е, тибетскиот мастиф е сѐ уште ретка раса на кучиња, но одлгедувачите постојано вршат селективно вкрстување и размножување на расата со што постепено го зголемуваат нивниот број.

Тело

Телото на тибетските мастифи е малку подолго отколку што е високо. Имаат цврст грб, длабоки гради кои достигаат до зглобовите, добро закосени нозе, високопоставена и густа опашка која е превиткана над грбот и превиткани уши.

Крзно

Крзното на тибетскиот мастиф е долго, дебело, со густо внатрешно крзно. Тоа може да биде црно, златно-кафено или сиво. Може да имаат жолти и бели прамени на градите или нозете. Некои тибетски мастифи имаат подогло крзно на главата и вратот кое изгледа како грива. Оваа варијанта во Кина ја нарекуваат „лавовска глава“. Тибетскиот мастиф со пократко крзно пак е познат како „тигарска глава“. Тие се митарат еднаш годишно што ги прави одлишни домашни миелници и за луѓето кои се алергични.

Карактер

Тибетскиот мастиф е достоинствен, самоуверен, верен и мирен. Поради неговото потекло од куче-чувар тоа понекогаш знае да биде тврдоглаво и доминантно. Оние неколку тибетски мастифи кои останале во Тибет се доста агресивни, додека оние кои се одгледуваат на запад, односно во Америка и Европа се многу попослушни. Тибетскиот мастиф е одлично куче-чувар и заштитник. Лае доста често. Резервирано е кон туѓинци. Ги сака децата кои ги познава, но непознатите деца може да ги смета како опасност или закана за оние од своето семејство кои ги познава и штити, па би требало да бидете повнимателни доколку тоа биде близу други деца. Доколку навреме го социјализирате тоа добро ќе се сложува со други кучиња и други домашни миленици.

Дресура

Дресирањето треба да се одвива со обострана почит. Тибетскиот мастиг ќе го игнорира дресерот кој употребува груби зборови или удари. Се препорачува дресирањето за послушност да започне учте додека тибетскиот мастиф е мал.

Неопходна грижа

Крзното на тибетскиот мастиф треба да се тимари со четка, особено деловите на нозете и опашката. Четкањето треба да биде еднаш неделно и секој ден во периодот на митарење.

Тренинг

Тибетските мастифи имаат умерена потреба за движење, но знаат да станат деструктивни доколку го држите дома цел ден. Не се препорачува да ги чувате во мал стан. Тие ќе уживаат на село. Не се забавуваат со игри со фрлање топки. Додека се мали, не треба да се изморуваат многу, бидејќи потребна им е сета нивна енергија за да израснат во здрави и цврсти кучиња. Тибетските мастифи не се погодни за живот на топло време.

Заболувања

Ова е воглавно здрава раса на кучиња, но подложни се на најчестите здравствени проблеми кои се јавуваат кај скоро сите кучиња како: разместување на зглобовите и колковите, инфекции на ушите, кожни алергии и очни заболувања како превиткување на очниот капак.

Најава






Немате корисничко име, регистрирајте се.
прашајте др. ветеринар
изгубено-најдено