milenicinja.mk » Раси на мачки » Абисинска Мачка

Абисинска мачка

  • Категорија: Категорија 3 - (Кратковлакнести и Сомалиски)
  • Други имиња: Abyssinian cat
  • Темперамент: паметна, љубопитна, многу енергична, весела, дружтвена и верна
  • Земја на потекло: Абисинија (денешна Етипоија); одгледана во Англија
  • Форум за Абисинска мачка

Земја на потекло - историјат

Денешната абисинска мачка со педигре изгледа како светите мачки насликани на гробниците во антички Египет. Името доаѓа од југо-источниот дел од Египет или денешна Етиопија. Современата абисинска мачка е со малку шари низ крзното, кои порано биле поочигледни, но со време на селективно размножување истите се сведени на минимум. Некои теории велат дека оваа мачка била однесена на запад од британските војници кои се враќале од египетскиот регион во 1860тите години. Други пак, тврдат дека абисинската мачка потекнува од дивата афричка мачка Felis libyca, чиј примерок бил пронајдена во Абисинија и однесена во холандскиот приороднонаучен музеј меѓу 1833 и 1882 година. Без разлика која теорија за потеклото на абисинската мачка е точна, тоа што е познато е дека таа со сигурност постоела уште во 1800 години, била доволно позната, утврдена и признаена раса за да учествува на едни од првите изложби на мачки во 1800тите години.

Хибридизацијата со домашните мачки полека ја потиснала егзотичната крв од ова раса. Типична абисинска мачка треба да има дебела кожа со шареникаво крзно при што шарите се поизразени на главата, градите, нозете и опашката. Како и да е, поради меѓусебно вкрстување на абисинските мачки, шарените делови скоро и да се исчезнати кај современата абисинска мачка. Пресостанатите слаби шари може да се појават околу очите, како потемна линија долж ’рбетот до опашката, или како бледи линии како ѓерданче на вратот или бледи линии како решетки на нозете.

Општ опис

Абисинската мачка е паметна, љубопитна, многу енергична, весела, дружтвена и верна. Ја сака слободата и ужива да лови.

Абисинската мачка е мачка со среден раст која е витка и мускулеста со засводен и елегантен врат. Ушите се големи, вдлабнати и поставени на големо растојание едно од друго. Очите се исто така пораздвоени едно од друго, големи, експресивни, закосени, во форма на бадем и зелени по боја, портокалови како килибар или светло кафени како лешник. Крзното е кусо, припиено за телото, фино, но не и мекано, со околу 4 контрасни нијанси на бои. Крзното може да биде сино, лилаво, кремасто, жолто-кафено, црвено или румено (кое е највообичаеното крзно за овој вид на мачки). Нешто друго што е типично за оваа раса на мачки е нивното долго тело кое е избалансирано со цврста опашка и тенки но цврсти нозе.

Usual (Ruddy) Abyssinian
Вообичаена или румена абисинска мачка

Оригиналната, или вообичаената, абисинска мачка има крзно во кафено-румени нијанси. Основата во јако златно-кафена боја е прекриена со црни делови. Кожата на носето е црвена како цигла, а кожата на шепите е црна. Во Америка бојата на ова крзно е позната како Ruddy што во превод значи румен или црвенолик. Оваа боја е една од четирите признати бои на крзно кај абисинската мачка во Америка. Другите бои се: црвена (The British Sorrel), сина и жолто-кафена. Вообичаеноот или руменото крзно кај абисинските мачки е кусо и нијансирано со две до три бои, нешто што е типично за сите варијанти на крзно кај овој вид мачки. Руменото крзно на абисниската мачка е црвеникаво-кафено во основата, и прекриено е со потемни нијанси на кафена или црна боја.



Sorrel (Red) Abyssinian
Црвена абисинска мачка

Црвената абисинска мачка, која е втората боја на крзно која била признаена во современата ера, порано, а во Америка и денес се уште, е позната како Црвена поради топлата џинџер (црвеникава како ѓумбир) боја на крзното. Основата на крзното е во светла кајсија боја и е прекриена со нијанси на темно кафеава боја. Кожата на носето и шепите е розова. Овие црвени или Sorrel (во Англија) абисински мачки, а воедно и сите абисински мачки, се лични, мускулести и витки, но и нешто подебели и со позаоблени глави од ориенталните мачки со кратко крзно.



Fawn Abyssinian
Жолто-кафена абисинска мачка

Оваа варијанта на абисинска мачка со жолто-кафено крзно е недамнешно надополнување на спектарот бои на крзна на абисински мачки. Основата на крзното е во бледо-жолтеникава боја (како овесна каша) која е рекриена со потемни нијанси на кафена боја. Крзното избледува во кремава боја на врвот на опашката и врвовите на ушите, на прамените на прстите и задниотдел над шепите. Кожата на носето и шепите е розова.


Blue Abyssinian
Сина абисинска мачка
Сините абисински мачиња повремено се јавуваат во леглата на вообичаените, односно румените абисински мачки. Внатрешниот слој на крзното или основата е во розевкаста-беж боја која е прекриена со темносинкаста-сива боја. Носето и шепите се темно розови или виолетово-сини.



Lilac Abyssinian
Лилава абисинска мачка

Основата на крзното кај оваа варијанта на абисинска мачка е розово-кремаста и е прекриена со потемни нијанси на розово-сива боја. Кожата на носето и шепите е виолетово-сина, а очите (како и кај сите абисински мачки) варираат од портокалови како килибар, зелени, до светлокафени како лешник.



Silver Abyssinian
Сребрена абисинска мачка

Абисинската мачка со сребрена варијанта на крзно е признаена како официјална врста во Англија и Европа, но не и во Америка. Варијантите на крзно кај овој вид абисински мачки кои се признаени во Европа и Англија можат да бидат румени и црвени (Red и Sorrel), лилави, сини, чоколадни, жолто-кафени и кремасти. Сите варијанти имаат крзно кое е сребреникаво во основата прекриено со потемни нијанси од некоја од наведените бои.

Најава






Немате корисничко име, регистрирајте се.
прашајте др. ветеринар
изгубено-најдено