milenicinja.mk » Раси на мачки » Американска Мачка Со Кратко Крзно

Американска мачка со кратко крзно

Земја на потекло - историјат

Американската мачка со кратко крзно, како и британската мачка со кратко крзно, треба горделиво да го покажува нејзиното потекло на вредна мачка со моќно и енергично тело. На изглед, всушност, е доста слична на британската мачка со кратко крзно, иако повитка, со малку поголемо тело и не толку округла глава.

Американската мачка со кратко крзно е рафинираната варијанта со педигре од домашната американска мачка која најверојатно пристигнала во Америка со Пуританците од Англија кои ја населиле Америка во 1600 години. Впрочем, таа била позната како домашната мачка со кратко крзно се до 1985 година. Лесно се адаптирала на тешкиот живот на мажите и жените кои се обидувале да создадат и постават нови граници за нова земја која ќе биде нивен нов дом. Американската домашна мачка со кратко крзно била витка и еластична, вредна и одличен истребувач на глодари.

Како и да е, до 1700 години, мачките станале дел од човековиот фамилијарен живот, па биле дури и дел од фамилијарните портрети. Мачките биле вклучени и во работата на поштата во Америка со тоа што се грижеле и ги чувале пратките и пакетите да не бидат изедени од разни видови на глодари.

Сепак, првата домашна мачка со кратко крзно со педигре (освен сијамската) која била регистрирана во Америка била увезена британска мачка со кратко крзно, поточно Црвена Tabby мачка. Нејзиниот сопственик ја вкрстил со фина американска мачка и во 1904 година ја регистрирал првата мачка со кратко крзно добиена во Америка. Таа била со „зачадена“ (Smoke) шара на крзното и се викала Buster Brown. Биле потребни уште 60 години за расата да биде признаена и прифатена.

Општ опис

Најважната одлика за американска мачка со кратко крзно која учествува на изложба за утрвдување на стандардот е нејзината сила и мускулесто тело. Билокаков знак на слабост во нивната градба се осудува строго. Американската асоцијација на љубители на мачки (American Cat Fanciers’ Association) ги ризнава повеќето бои и шари на крзно. Па така на пример, ги прифаќаат еднобојните, нијансираните, „зачадените“, сребрените, двобојните, повеќебојните и Tabby-шарените крзна. Не ги прифаќаат лилавите и чоколадните еднобојни или colourpoint варијанти на крзно.

Крзното на американската мачка е кратко, но густо, еднакво и цврсто по текстура.

Очите им се големи, округли, поставени на поголемо растојание едно од друго и малку закосени. По боја може да бидат сјајно златни или зелени, а кај американските мачки со бели варијанти на крзно очите се сини или златни или пак мачките се со чудни очи, односно очите се во различни бои.

Американските мачки со кратко крзно се жилави мачки со еластично, мускулесто и крупно тело кои по природа се смирени, а се и доста паметни, љубопитни, храбри и активни.

Најава






Немате корисничко име, регистрирајте се.
прашајте др. ветеринар
изгубено-најдено