milenicinja.mk » Раси на мачки » Американска Мачка Со Нанадвор Превиткани Ушиња

Американска мачка со нанадвор превиткани ушиња

Општ опис

Во раните 1980 години, во Калифорнија било откриено улично маче со необични ушиња искривени наназад. Од оваа улична мачка се родиле две мачиња со нанадвор свиткани учиња. Едното било со кратко крзно, другото со долго крзно. Раѓањето на овие мачиња го најавил почетокот на славата на расата American Curl. Двете мачиња биле прикажани на локалкна изложба на мачки и реакцијата била шокантна. Многу е чудно големите фелинолошки здруженија да прифатат некоја раса толку брзо, но со оваа раса се случило токму тоа. American Curl расата била прифатена од Интернационалната фелинолошка асоцијација (The International Cat Association) во 1985 година, а една година подоцна, во 1986 година, добила признание и од Асоцијацијата на обожаватели на мачки (Cat Fanciers’ Association). Тие се мили и шармантни мачиња со ушиња кои се свиткуваат наназад како да се оддувани од ветер. Ушите треба да бидат широки во основата и отворени. Овие мачки се со среден раст, добро балансирани и мускулести. Нозете им се со средна должина и заоблени шепи. Опашката е флексибилна, се стеснува кон врвот и нејизната должина е еднаква на должината на телото. Очите им се големи, во форма на орев и може да бидат во сите бои. Крзното може да биде кусо или долго, а двете варијанти на крзно се свиленкасти и мазно припиени за телото. Крзното може да биде во сите бои, шари или комбинации на бои. Негата за истото е релативно лесна. Доволно е редовно да се четка, а ушите треба редовно да се проверуваат. Освен карактеристичните уши, не постојат други аномалии кај расата. Успешното размножување со други видови и раси осигурува расата да остане силна и здрава. Како и да е, расата сѐ уште не е признаена во Велика Британија (а одбиена е по истиот основ поради кој е одбиена и расата Scottish Fold).

Најава






Немате корисничко име, регистрирајте се.
прашајте др. ветеринар
изгубено-најдено