milenicinja.mk » Раси на мачки » Бенгалска Мачка

Бенгалска мачка

Земја на потекло - историјат

Бенгалската мачка била размножена при обид да се искомбинира изгледот на азиската леопардска мачка со темпераментот на припитомената семејна мачка. Програмата за размножување на овој вид била тема на расправија, затоа што ова размножување вклучувало вкрстување на домашните азиски мачки со дивите мачки од југо-западна Азија. За да се придобијат со слава и да бидат прифатени, требало да се установи дека дивиот и нескротлив темперамент е истребен и дека новите видови може да репродуцираат доследни видови. Првото елгло на бенгалски мачиња (познато како Ф1 генерација) репродуцирало неполодни мажјаци и делумно плодни женки, и во некои случаи темпераментот бил нестабилен. Поради тоа, многу асоцијации не дозволувале овие први генерации на бенгалски мачки да бидат прикажувани на изложбите и истите многу често се и несоодветни како домашни миленици.

Иако современиот вид на расата бил размножен во пустинската држава Аризона во САД во 1960тите години, сепак расата не е прифатена од сите американски фелинолошки друштва. Повеќето од американските варијанти на расата се со кафеави нијанси на крзно. Бенгалската мачка полека се здобива со провизорен статус во Англија, каде се размножуваат вакви мачки со шарени крзна т.е. spotted

Општ опис

Современата бенгалска мачка е многу впечатлива. Таа е долга, витка, мускулеста со прекрасно ишарано крзно. Токму крзното на бенгалските мачки е нивниот белег на препознавање кое е различно од крзната на сите други раси на домашни мачки, односно е сродно со крнзата на дивите мачки. Крзното е кусо или со средна должина, многу густо и неверојатно меко на допир. Негата за истото подразбира редовно мазнење и повремено четкање. Бенгалските мачки имаат ситнички ушиња кои се искривени нанапред, а се шират нагоре од страните на широката клинеста глава. Очите им се овални и големи, но не премногу впечатливи и спектакуларни. Според темпераментот тие се активни, весели, друштвени и за разлика од повечето мачки, бенгалските ја сакаат водата.

Најава






Немате корисничко име, регистрирајте се.
прашајте др. ветеринар
изгубено-најдено