milenicinja.mk » Новости » АХВ со препораки за одгледувачите во услови на ниски температури

АХВ со препораки за одгледувачите во услови на ниски температури

Објавено: 26/фев/2018 во 18:09

АХВ со препораки за одгледувачите во услови на ниски температури
Сите одгледувачи на животни во услови на ниски температури и обилни врнежи од снег како во овие денови, треба да обезбедат вода и храна во количина доволна за задоволување на потребите на сите животни. Храната која треба да им се дава на животните треба да е со хранливи вредности соодветни за видот и категоријата на животните, стои во препораките на Агенција за храна и ветеринарство. 

Од агенцијата посочуваат дека повеќето видови животни релативно добро ги поднесуваат ниските температури, но при појава на многу екстерни температури, како и високи врнежи и наноси на снег, се препорачува да се зголеми вообичаената дневна дажба на храна која им се дава за да можат да ја одржуваат својата телесна температура. 

Исто така особено важно е на животните да им се обезбеди свежа вода за пиење која постојано треба да се менува за да не дојде до нејзино замрзнување. 

При појава на екстремно ниските температури проследени со силен ветер и снег, животните треба да се држат во затворен простор, објект или штала. Доколку за ова нема доволно услови во моментот, привремено можат да послужат ќебиња или други прекривки кои постојано треба да бидат суви, стои во препораките од Агенцијата за храна и ветеринарство.


Коментари

Најава






Немате корисничко име, регистрирајте се.
прашајте др. ветеринар
изгубено-најдено