milenicinja.mk » Новости » Државна изложба на сите раси на кучиња во Куманово

Државна изложба на сите раси на кучиња во Куманово

Објавено: 20/мај/2018 во 23:39

Државна изложба на сите раси на кучиња во Куманово
Кинолошкиот сојуз на Куманово организира две државни изложби на сите раси на кучиња во Куманово. На овие изложби учество можат да земат сите сопственици кои во својот дом имаат миленик со родовник. 

Кинолог Куманово веќе неколку години одржува кинолошки манифестации во овој град. На овие настани не учествуваат само луѓе кои имаат кучиња, туку и луѓе кои сакаат и имаат желба да чуваат или да се запознаат со овие животни. 

Настанот ќе се одржи на 27 мај 2018 година на спортскиот комплекс Соколана во Куманово. 

Инаку станува збор за град кој е познат по добрата кинологија, по големата заинтересираност за кучиња, како и големата посетеност на нивните изложби. 

Судии кои се предвидени за настанот се долгогодишни одгледувачи на расни кучиња, како и редовни учесници на натпреварувања. Тие се Владимир Вукосавлевиќ и Наталија Шелиќ од Србија, потоа Перо Божиновски, Блажо Кончев, Ацо Павловски, Зоран Најдовски и Виктор Алексовски. 

Кинолошкото друштво од Куманово на својот состанок на управниот одбор ги усогласи цените за учество согласно со нашиот стандард. Цената за учество на едно куче на една изложба е 1.200 денари. Доколку сопственикот сака да го пријави и на втората изложба, тогаш се плаќа 2.000 денари. Доколку кучето е младо од 3 до 6 месеци тогаш се плаќа 600 денари, а 1.200 за две изложби. Дококу е на возраст од 6 до 9 месеци цената е 900 денари, а за две изложби 1.500 денари. 

Дојдете и натпреварувајте се, покажете ги убавините на своето куче и учествувајте во добрата организација.


Коментари

Најава






Немате корисничко име, регистрирајте се.
прашајте др. ветеринар
изгубено-најдено