milenicinja.mk » Новости » Бесплатно микрочипирање на сите домашни миленици

Бесплатно микрочипирање на сите домашни миленици

Објавено: 31/авг/2018 во 21:07

Бесплатно микрочипирање на сите домашни миленици
Веќе од 1 септември 2018 година започнува кампањата за бесплатното идентификување и регистрација на домашните миленици која ќе трае до 31 март идната година или додека да се потрошат 100.000 микрочипови – известуваат од Агенциата за храна и ветеринарство. 

Целиот процес на микрочипирање ќе биде во процес на „прв дојден, прв услужен“. 

Секој сопственик има законска обврска да го микрочипира својот миленик, а ако не го направи тоа предвидена е казна од 30 евра во денарска противвредност. По завршување на кампањата АХВ ќе спроведе зајакнати контроли за да провери дали сопствениците извршиле идентификација и регистрација на своите домашни миленици. Затоа ги повиквам сопствениците масовно да ја искористат еднократната донација и да ги микрочипираат своите миленичиња – изјавил директорот на АХВ, Зоран Атанасов. 

За спроведување на кампањата се склучени договори со 135 ветеринарни друштва на територија на цела Македонија кои бесплатно ќе ги поставуваат микрочиповите кај домашните миленици, па истите ќе ги внесуваат во информативниот систем на АХВ. 

Се што треба сопствениците да направат е да платат 120 денари за пасош за домашниот миленик кој при тоа ќе им користи за патување надвор од државата. 

Инаку вградувањето на микрочип е сосема безболно и без ризици бидејќи е со големина од зрно ориз и е направен од материјал кој не создава никакви реакции.  

По завршување на бесплатната акција, сопственикот треба да плати 800 денари за микрочип и дополнителни средства за апликација. 

Микрочипирачето е особено корисно при потрага на изгубениот миленик, а влијае и врз намалувањето на проблемот со кучињата скитници. 

Листата со ветеринарните друштва со кои е склучен договорот можете да ја најдете тука. 



Извор: fva.gov.mk


Коментари

Најава






Немате корисничко име, регистрирајте се.
прашајте др. ветеринар
изгубено-најдено