milenicinja.mk » Новости » Следуваат високи парични казни за сопствениците кои немаат вградено микро чип кај миленикот

Следуваат високи парични казни за сопствениците кои немаат вградено микро чип кај миленикот

Објавено: 26/ное/2018 во 16:38

Следуваат високи парични казни за сопствениците кои немаат вградено микро чип кај миленикот
Од први септември официјално започна кампањата за бесплатно микро чипирање на домашните миленици во Република Македонија. 

Од тогаш до денеска се чипирани 14.000 миленици. Оваа кампања за чипирање на миленици ја започна Агенцијата за храна и ветеринарство и истата треба да помогне во борба против бездомните кучиња со што ќе ги спречи граѓаните да го напуштат својот миленик. 

Чипот кој се вградува содржи бројче и преку него се обезбедуваат основните податоци на миленикот со што се овозможува негово следење. Ова помага во случај на губење со што кучето може да се лоцира, да се пронајде и да му се врати на сопственикот. Оваа кампања на бесплатно чипирање завршува во април. За да се вгради чипот потребно е миленикот да прима вакцина од 600 денари која е задолжителна и да се извади пасос од 120 денари.

Веќе од први април на терен излегуваат комунални инспектори кои со високи парични казни ќе ги казнуваат сопствениците кои немаат вградено чип на својот миленик.

Очекувањата од оваа акција е значително намалување на бројот на бездомните кучиња и мачки бидејќи при евиденција на животното, комуналниот инспекторат ќе има право да му го врати на неодговорниот сопственик.

Инаку чипирањето е целосно безболно и се поставува во пределот на плеќките. Станува збор за мал електронски уред со големина на зрно ориз. Чипот ги содржи информациите за сопственикот, расата на кучето, полот, редовна вакцинација и третирање со паразити. Паралелно се чипот има и налепница која се поставува во пасошот на миленикот.


Коментари

Најава






Немате корисничко име, регистрирајте се.
прашајте др. ветеринар
изгубено-најдено