milenicinja.mk » Новости » Тина Петрушевска е првата директорка на јавното претпијатие „Лајка“

Тина Петрушевска е првата директорка на јавното претпијатие „Лајка“

Објавено: 06/мар/2019 во 12:17

Тина Петрушевска е првата директорка на јавното претпијатие „Лајка“
На 28 февруари годинава, Советот на град Скопје ја усвои одлуката за формирање на ново јавно претпријатие за кучиња кое ќе го носи името Лајка. Градоначалникот Петре Шилегов ја назначи активистката за заштита на животни, Тина Перушевска за в.д. директорка на Лајка, а членови на управниот одбор ќе бидат граѓански активисти и здруженија.

Денеска Петрушевска имаше средба со градоначалникот Шилегов и директорите на јавните претпријатија во надлежност на град Скопје каде се дискутирало за соработка и реализација на повеќе проекти за подобрување на условите на стационерот Вардариште.

Со новата одлука, стационерот Вардариште нема повеќе да биде во надлежност на ЈП „Комунална хигиена“ туку ќе има еднаков статус со другите јавни претпријатија кои се занимаваат со комуналните дејности во градот.

Новото јавно претпријатие е формирано под иницијатива на граѓаните и здруженијата за заштита на животните кои не беа задоволни од досегашниот третман на уличните кучиња. Ова јавно претпријатие ќе ги преземе активностите за заловување на животните скитници, нивна стерилизација, ветеринарна грижа, регистрирање и процедури за вдомување од заинтересираните граѓани.

„Она што беше лоша слика за стационарот за бездомни кучиња, полека целосно ќе се смени. Претпријатието ќе добива пари од буџетот на Градот како што и досега за оваа намена се префрлале средства на ’Комунална хигиена‘. Но, според планот за работа ќе може и само да се финансира. Ќе нуди услуги за чување на домашните миленици кога нивните газди заминуваат на одмор и нема каде ги остават, а ќе биде отворена и продавница за продажба на производи и храна за миленици“- изјавил Шилегов на седницата пред усвојување на одлуката за формирање на „Лајка“, а пренесува сдк.мк.


Коментари

Најава






Немате корисничко име, регистрирајте се.
прашајте др. ветеринар
изгубено-најдено