milenicinja.mk » Занимливости » Неподвижно момче смислата во животот ја пронашло кај кучиња

Неподвижно момче смислата во животот ја пронашло кај кучиња

Објавено: 03/апр/2018 во 23:25

Неподвижно момче смислата во животот ја пронашло кај кучиња
Златко Лемут тешко се повредил пред 18 години. Кога имал само 17 години си го скршил вратот поради што станал неподвижен и немоќен. 

Останав неподвижен од вратот па надол. Така заздравувањето ми траеше 2,5 години. Самостојноста ми дојде по 5,6 години. Во тој период зависев од други, имав потреба од туѓа помош и се тоа не можев да го поднесам. Претходно бев спортист, особено живо момче. Тоа ме пресече – за Н1 открил Лемут. 

Еден ден на телевизија забележал документарец за кучиња. Приказната била поврзана со момче како него на кого црн лабрадор му помогнал да ја врати вербата во животот. Тогаш тој ги собрал сите пари што ги имал на заштеда и за себе си ја купил женката црн лабрадор, Кимби. 

Од кога ја добив неа, престанав да го гледам надворешниот свет. Таа ми стана се во животот – додал тој. 

Благодарение на Кимби, Златко научил се за кучињата. Денеска тој ги одгледува и дресира, а има и свој мал пансион. Со својата активност сака да ја подигне свеста за значењето на тераписките кучиња во целиот Балкан. 

Имам и мешанче кое го спасив од улица бидејќи ако видам дека куче има потреба, јас не можам само да поминам покрај него. Мислам дека кучињата се тука за да ни помогнат и покрај тоа што на прв поглед не го забележуваме тоа. Секогаш велиме дека немаме време за куче, всушност ние немаме време за себе – истакнал Лемут. 

Го одгледал и првото легло на француски булдог, а предизвик му е да ги припитоми „агресивните“ раси како пит бул. 

Во погрешни раце се опасни кучиња. Во добри раце се добри кучиња. Како и оружјето, како и се останато во животот, заклучил тој. 

Во грижата за 40 кучиња кои живеат на имотот на Лемут, заедно со Златко, е и неговата сопруга Мирела. 

Кимби од која започнало се, за жал умрела. Погребана е во аголот на имотот, а зад себе оставила мал рај за кучиња и задоволно семејство Лемут. 

Каква приказна, да се наежиш. 


Извор: petface.net


Коментари

Најава






Немате корисничко име, регистрирајте се.
прашајте др. ветеринар
изгубено-најдено