milenicinja.mk » Занимливости » Жена направила хуман гест за напуштено куче

Жена направила хуман гест за напуштено куче

Објавено: 05/апр/2018 во 12:50

Жена направила хуман гест за напуштено куче
Светското првенство во фудбал ќе се одржи во Русија почнувајќи од 14 јуни оваа година. Покрај спортската еуфорија, од оваа држава ни пристигнуваат и лоши вести судејќи по изјавите на љубителите на животни. Медиумите ги оптужуваат руските власти поради тоа што во градовите во кои ќе се играат натпреварите од Светското првенство, масовно почнале да се убиваат бездомните животни и дека за таа цел се троши огромна сума на пари. 

Заштитниците на животните тврдат дека бројот на напуштени кучиња брзо опаѓа откако подготовките за Светското првенство влегле во завршна фаза. Така на пример во Ростав на Дона биле 4.500, а во последните месеци таа бројка се намалила за речиси 10%. Исто така, медиумите наведуваат како сумата која е планирана градовите да ја потрошат на извршување на оваа задача е огромна, па така во Јекатеринбург издвоиле 32,5 милиони, во Санкт Петарбурд 29,4 милиони, Самара 8.9 милиони... 

Дали е ова само уште едно медиумско обвинување или не, ќе истражиме во наредните денови, но една фотографија ни ја враќа довербата во љубовта кон животните кај тамошните жители. 

Станува збор за фотографија на која се гледа како жена со ќебе го покрила напуштеното куче чиј израз на лице целосно не разнежни. Таа клекнала покрај него, почнала да го гали и очигледно сакала да му помогне додека минувач кој ја направил фотографијата не ни претпоставувал дека ќе стане толку популарна. 

Како и да е, овој гест ни ја враќа довербата кај луѓето и ни дава до сознание дека она доброто може да го победи злото.


Коментари

Најава






Немате корисничко име, регистрирајте се.
прашајте др. ветеринар
изгубено-најдено