milenicinja.mk » Занимливости » Да ги срушиме предрасудите за стерилизација на милениците

Да ги срушиме предрасудите за стерилизација на милениците

Објавено: 11/апр/2018 во 00:49

Да ги срушиме предрасудите за стерилизација на милениците
Она што нај нас се нарекува касапење на кучињата и мачките кое доведува до нивно истребување, во светот е карактеристика за цивилизиран и одговорен сопственик.  

Стерилизацијата или кастрацијата е едноставен оперативен зафат кој на вас и на вашиот миленик ќе ви овозможи среќен и безгрижен живот. 

Доколку не сте во можност да го направите тоа, не посегнувајте по трета опција како што е фрлање на младите. Овој чин зборува за човекот многу повеќе од она што можете да го замислите. 

Во овој дел ќе се обидеме да разјасниме неколку “аргументи” кои најчесто се користат против овој зафат. 

Само едно легло и ќе го стерилизирам. Прекрасен е и сакам да видам уште такви миленици. – Неточно! 

Истражувањата покажуваат дека сопствениците кои размислуваат на овој начин се одговорни за напуштање на животните. Едно легло никогаш не се завршува со едно раѓање. Сопственикот најчесто ќе види како изгледаат малите и тука неговото интересирање на животните се завршува. Улица, контејнер, река или депонија се следната станица за младите. – Точно! 

Здраво е да има едно легло пред стерилизација – Неточно 

Европските и американските школи не можат да се сложат дали е подобро миленикот да се стерилизира пред или по првото парење, но секако се сложуваат дека истото треба да се изврши пред првото легло. Можноста од појава на рак на тестисите и болест на простатата кај мажјакот со тек на време се зголемува како и тумор на дојка кај женката. – Точно! 

На миленикот му се менува карактерот. Станува дебел и мрзелив. – Неточно. 

Се менува но на подобро. Немир и нервоза, нагонот за скитање и размножување исчезнува. Вашиот миленик станува дружељубив, воспитан и питом. – Точно 

Тое не е природно – Неточно 

Ако зборуваме на таа тема, не е природно ниту да ги припитомуваме животните како што пред неколку илјади години сме го направиле со кучињата и мачките. Сега припитомените животни не можеме да ги вратиме во природа, но можеме да им помогнеме во опкружување во кое сме ги довеле и да им го олесниме животот. – Точно 

Стерилизацијата и кастрацијата се болни и комплицирано зафати. - Неточно 

Ова е рутински зафат за кој е потребна минимална хоспитализација на миленикот. За само неколку дена животното целосно ќе се оправи и ќе продолжи со нормалниот живот. - Точно 

За тоа колку стерилизацијата е важна зборува податокот дека секој ден се раѓаат 7 пати повеќе кучиња од луѓе. Поради оваа фатална бројка бројот на напуштени, мачени и убивани животни постојано се зголемва.


Коментари

Најава






Немате корисничко име, регистрирајте се.
прашајте др. ветеринар
изгубено-најдено