milenicinja.mk » Занимливости » Дого аргентино: скромен и силен ловец

Дого аргентино: скромен и силен ловец

Објавено: 12/апр/2018 во 00:25

Дого аргентино: скромен и силен ловец
И покрај изгледот и силата, дого аргентино е стабилен, мил и особено трпелив пес. Освен за лов, ова куче може да биде видено како воено или полициско или пак како куче водич за слепи, како и во потрага по исчезнати лица и во спасувачка мисија. 

Дого аргентино потекнува од Аргентина, а создавачи на оваа раса се браќата Антонио Норез Мартинес и Агустин Мартинес кои сакале да создадат интелигентно, силно и издржливо ловечко куче, пријателски настроено кон другите раси. Поради тоа што Агустин бил амбасадор во Канада, за оваа раса се прочуло за многу кратко време.

Изглед  

Има особено јака глава, врат и тело. Изразито мускулест со јако движење. Нозете му се јаки и мускулести, а опашот долг и јак. Има широки и длабоки гради, а рамената му се високи и многу јаки. 

Карактер 

Стабилен, мил и многу трпелив пес и покрај изгледот и енергијата. 

Тој е одгледан како ловец, со водење на грижа да биде дружељубив и пријателски настроен. Напади на луѓе или други животни се многу ретки. Во Аргентина со задоволство го чуваат сточари и пастири за да го бранат стадото од диви животни.  

Станува збор за многу интелигентно куче, лојално и храбро. Ги сака децата и со нив би требало да го запознаете уште додека е мало. Брзо учи и лесно се тренира. Ретко лае. 

Не е добар избор за лица кои порано немале куче, бидејќи му е потребен доследен сопственик кој уште од првиот ден ќе му покаже авторитет со јасни граници, но смирено и со многу љубов. 

Тренинг и воспитување 

Можат да бидат деструктивни во домот доколку им е здодевно, па поради тоа секогаш треба да го окупирате со играчки, долги прошетки и трчање. Ова куче никако не сака да се досадува и лежи. Има силен нагон за лов, па од мало научете го дека сите помали животни не се плен. Потребна им е голема физичка активност. Поради тоа одете со него на трчање, водете го додека возите велосипед или ролери. 

Здравје 

Како и другите кучиња до снежно-бела боја, и дого аргентино може да се роди глув или со многу слаб слух. Според податоците околу 10% малите се раѓаат глуви на едно уво. Тоа им е единствениот недостаток. Останатите органи му функционираат добро. 

Чувствителен на екстремни температури 

Дого аргентино е чувствителен на топло и потребна му е заштита од сонце за да не изгори бидејќи има целосно бело крзно и кратки влакна. Исто така не му годи и екстремно ладно време, па затоа во зима опремете го со јакна или џемпер.


Коментари

Најава






Немате корисничко име, регистрирајте се.
прашајте др. ветеринар
изгубено-најдено