milenicinja.mk » Занимливости » Затвореници вдомуваат мачки со цел меѓусебно да си помогнат

Затвореници вдомуваат мачки со цел меѓусебно да си помогнат

Објавено: 13/апр/2018 во 00:19

Затвореници вдомуваат мачки со цел меѓусебно да си помогнат
Околу 250 километри јужно од Сијет се наоѓа мал град Јоколт. Во него живеат само около 1.500 жители според пописот во 2010 година, а покрај редовните жители има и 500 затвореници во затворот Ларч. 

Овој град, а и овој затвор никогаш не би го привлекле вниманието на јавноста доколку во затворот со години не се спроведувала интересна програма. Напуштените и болни мачки и затворениците да поминуваат време заедно со цел да имаат подобар живот и рехабилитација, како мачките така и затворениците. 

Организацијата “Помогни им на мачките” ја покренала програмата “Смртна казна” која подразбира напуштените мачки да се сместат во затвор и деновите да ги поминуваат со затвореници кои го сакаат тоа. 

Затворениците покажале особено голем интерес за дружење со мачките, но и на мачките кои се отфрлени и напуштени им одговара дружењето со луѓе. 

Програмата исто така опфаќа и одредени правила – мачките се даваат само на оние затвореници кои не се насилни и не се осудувани за насилство на животните. Право на сопственост врз мачка имаат оние затвореници кои во последните 6 месеци биле дисциплинирани. 

Исто така мачките ги посвојуваат оние затвореници кои се во затвор повеќе од 1 година. Интервенцијата од ветеринари е платена од страна на организаторите на програмата кои на затворот му донирале посебни направи со кои мачките можат да поминуваат време на отворено. 

Иако звучи малку чудно, многу убави приказни доаѓаат од овој затвор. Пример за тоа е приказната за Натали, мачка која не сакала никого покрај себе. Таа ги гребела и ги напаѓала сите луѓе кои ќе и се приближат се додека не почнала да живее со Џои и Џозеф. Да не била оваа програма, Натали би била евтанизирана. 

Кога живеете во затвор постојат одредени рутини. Ништо не се случува, немате контакт со луѓе и за кратко се чувства таа празнина. Мачките ни помагаат повторно да се чувствуваме корисно – рекол Џозеф по присвојување на Натали. 

Оваа програма започнала да се применува во Америка во седумдесеттите години, па поради големото влијание што го имаат мачките, оваа програма продожува се повеќе да се применува. 

Мачките никого не осудуваат, за нив се сите исти. Тие бараат само внимание и љубов.


Коментари

Најава






Немате корисничко име, регистрирајте се.
прашајте др. ветеринар
изгубено-најдено