milenicinja.mk » Занимливости » Светски ден против беснило

Светски ден против беснило

Објавено: 28/сеп/2018 во 13:00

Светски ден против беснило
Денеска е светскиот ден за борба против беснило. Овој ден се одбележува 12 години по ред, а мотото за оваа година е: „Прати ја пораката, спаси живот“. Целта за одбележување на овој дел е да се подигне совеста, да се потенцира важноста од превенција и ставање под контрола на оваа болест.

Поради тоа Ветеринарната комора на Република Македонија ја користи оваа можност за да апелира до сите сопственици на домашни миленици (мачки и кучиња) свесно и одговорно да ја извршуваат својата законска обврска и редовно да ги вакцинираат своите миленици против беснило

Една од главните причини за зголемен број на жртви е ниската свесност кај сопствениците за важноста од редовно вакцинирање. Обврската за вакцинација настапува со нарушување на тримесечната возраст кај животното и се повторува на интервал од една година до крајот на животот на миленикот. Секое непочитување на обврската е казниво согласно Законот, а паралелно носи сериозни здравствени ризици по здравјето на човекот. 

Инаку беснилото е вирусна болест која се манифестира со воспаление на централниот нервен систем и се манифестира со смртен исход. Оваа болест е присутна на сите континенти, а најризичните случаи се во африка, Азија и Среден Исток. Според објавената статистика, повеќе од 3,3 милиони луѓе живеат со ризик од беснило. 

Поради големата важност и тежина на болеста, Светската здравствена организација го одреди 28 септември за Светски ден за борба против беснило. Одбележувањето започнало во 2007 година со учество на 74 земји, а денеска се преку 125. 

Инаку датумот е одреден според францускиот микробиолог Луј Пастер кој ја развил првата вакцина против беснило во 1895 година.  

Во Македонија настанот ќе се одржи утре, на 29 септември во скопскиот Градски парк.


Коментари

Најава






Немате корисничко име, регистрирајте се.
прашајте др. ветеринар
изгубено-најдено