milenicinja.mk » Занимливости » Еве зошто дете со аутизам треба да расте со куче

Еве зошто дете со аутизам треба да расте со куче

Објавено: 02/окт/2018 во 17:38

Еве зошто дете со аутизам треба да расте со куче
Растење со домашен миленик е една од најдобрите одлуки кои родителите можат да ја донесат кога е во прашање дете. Учење на одговорност, сочувство, отвореност, социјализација, примање на безусловна љубов и стекнување на знаење за живите суштества се само неколку бенефити кои ги носи животот заедно со куче или маче. 

Многу истражувања покажале дека има и здравствени користи при односот дете – куче. Се верува дека кучињата можат да им помогнат на децата во олеснување на анксиозност поради разделување од родителите, а бројни истражувања покажале и дека домашните миленици можат да помогнат кај хиперактивност на детето. 

Главниот акцент на нашата денешна приказна е користа од кучето кај дете со аутизам. Децата со аутизам често се потпираат на невербални сигнали во комуникација, баш како тоа што го прават домашните миленици. Поради тоа контактот со мачка или куче може да му помогне на детето со аутизам при комуникација со други луѓе. 

Оваа користа Америка одамна ја препознала, па помеѓу тераписките кучиња се обучувале и оние кои им помагаат на децата кои ја имаат оваа болест. Еден од корисниците на новата програма е пет годишната Холена Гонзалес од Сад Диего, Калифорнија, која има посебна врска со тренираното куче Мафет. 

Мајката на Холена, Ребека Кук, истакнала дека Мефет целосно го променил животот на нејзината ќерка бидејќи грижата за кучето создало чувство на одговорност кое ќе трае до крајот на животот. 

Комуникациските способности на Холена се подобрија три пати во период од три месеци од кога Мафет е со нас во домот, а нејзината личност излезе на површина, стана многу по друштвена – изјавила мајката на девојчето за Глас на Америка. 

Интеракцијата која овие деца ја создаваат со кучињата всушност е најдрагоцена бидејќи е заснована на безусловна љубов и пријателство што придонесува за подобра социјализација.


Коментари

Најава






Немате корисничко име, регистрирајте се.
прашајте др. ветеринар
изгубено-најдено