milenicinja.mk » Занимливости » Маалскиот Жучко е спасен од голема бездна во Кисела Вода

Маалскиот Жучко е спасен од голема бездна во Кисела Вода

Објавено: 08/окт/2018 во 13:24

Маалскиот Жучко е спасен од голема бездна во Кисела Вода
Светскиот ден за заштита на животните оригинално е одбележан во Кисела Вода благодарение на бездомното куче Жучко кој живее во близина на студентскиот дом Пелагонија. 

Станува збор за бездомно куче за кое секојдневно се грижат вработените и студентите кои престојуваат во студентскиот дом, станарите кои живеат во близина, како и таксистите кои ја користат постојката. 

На светскиот ден за заштита на животни, Жучко западнал во неволја. Тој пропаднал во голема бездна ископана како почетна фаза на градежните зафати за иградба на објект. Покрај неволјата во која западнал, сепак на крајот имал среќа. Голем број на луѓе се вклучиле акција за спасување. Без оглед на опасноста од повреди, недостаток на соодветни алатки и опрема, луѓето кои секој ден се грижат за него се впуштиле во спасување. И покрај извалканата и уништена гардероба која ја носеле, чувството за грижа, желба и свест придонеле кучето безбедн да биде извлечено од големата бездна. 

По повод овој голем ден и настан со среќен крај, Општина Кисела Вода информира дека вложува максимални напори за заштита на животните, за нивно хумано згрижување, бидејќи правата на животните треба да бидат подеднакви со правата на луѓето. Како дел од овие напори, претходно Општина Кисела Вода, веќе ги извести своите жители за програмата ХУМАНА КОНТРОЛА НА КУЧИЊАТА БЕЗДОМНИЦИ, воедно, преку јавен повик, ги повика сите заинтересирани граѓански здруженија, активисти и жители за заштита на правата на животните, да земат учество во истата, соодветно на нивните желби и можности.


Коментари

Најава






Немате корисничко име, регистрирајте се.
прашајте др. ветеринар
изгубено-најдено