milenicinja.mk » Занимливости » Во Јапонија домашните миленици живеат подолго

Во Јапонија домашните миленици живеат подолго

Објавено: 08/окт/2018 во 13:48

Во Јапонија домашните миленици живеат подолго
Не само Јапонците имаат долг животен век туку и нивните миленици го држат тој статус, покажуваат новите истражувања. 

Просечниот живот на куче е 13,2 години, додека на мачка 11,9 години. Според податоците од Универзитетот во Токио, за време од 25 години животниот век на кучињата е зголемен за 1,5 пати, а на мачки 2,3 пати. Причината за ваквиот раст на животниот век се должи на добрите мерки за заштита од болести. 

Се смета дека милениците живеат подолго поради тоа што се чувани во куќа, имаат квалитетна храна, како и поради тоа што сопствениците редовно ги водат кај ветеринар. 

Животниот век на мачките може уште повеќе да се зголеми бидејќи вакцинацијата на мачки се уште е ниска – изјавил Хидеки Хајашидани, професор на Универзитетот во Токио. 

Доколку се направи споредба на податоци, во 1990 година кучињата живееле во просек 8,6 години, а мачките 5,1, тогаш ова е особено голем напредок. 

Според истражувањата на Харуке Јанагаве, студент на овој Универзитет, мешанчињата живеат подолго од расните кучиња, додека кај мачките, женки имаат подолг животен век од мажјаците. 

Познато е дека во Јапонија се наоѓа една од најдобрите индустрии за миленици со многу иновации кои се насочени кон доброто на животните. Едни од нив се ароматерапија за мачки, часови за танцување на кучиња или модни ревии на кои моделите се животни. 

Инаку и најстарото куче во историјата запишано во Гинисовата книга на рекорди е од Јапонија кое умре во декември 2011 година на 26 години и осум месеци.


Коментари

Најава






Немате корисничко име, регистрирајте се.
прашајте др. ветеринар
изгубено-најдено