milenicinja.mk » Занимливости » Од 1 октомври во оваа држава миленикот нема да се смета за предмет

Од 1 октомври во оваа држава миленикот нема да се смета за предмет

Објавено: 09/окт/2018 во 18:29

Од 1 октомври во оваа држава миленикот нема да се смета за предмет
Новиот Закон кој е изгласан на 1 октомври вели дека домашниот миленик во Калифорнија ќе се смета за заеднички имот, а судијата има право да одлучи на кого ќе му го препушти за време на развод помеѓу сопружниците – земајќи го во предвид фактот кој ги храни, чува, води кај ветеринар или на прошетка. 

Според новиот Закон, судот во Калифорнија за судбината на домашниот миленик одлучува на ист начин како и за судбина на деца. 

До сега кучињата, мачките и другите домашни миленици во Калифорнија биле сметани како дел од семеен имот и при делба на имотот, статусот на животните не бил ништо подобар од статус на некое парче од мебелот. Но од 1 октомври овој закон се менува. 

Доколку судијата смета дека е најдобро двете страни да водат грижа за домашниот миленик, може да донесе одлука за заедничко старателство над животното, исто како над дете. 

Калифорнија не е единствена држава која го донела овој Закон бидејќи многу други држави одлучиле животните на суд да добијат правен статус како луѓе. Таква е и Франција која благодарение на петицијата која ја потпишале 700.000 луѓе, го донела Законот по кој домашните миленици повеќе нема да се сметаат само за имот. 

Исто така и Аљаска минатата година ја усвоила одредбата според која домашниот миленик и децата имаат еднаков правен статус. 

Кога животните би добиле правен статус, со тоа би се отворил простор и за носење закон на основа со која насилството над животните би било праведно казниво. Што мислите вие? Дали сте за или против оваа промена во Законот?


Коментари

Најава






Немате корисничко име, регистрирајте се.
прашајте др. ветеринар
изгубено-најдено