milenicinja.mk » Раси на кучиња » Апенцелско Планинско Куче

Апенцелско планинско куче

  • Стандарди: FCI група 2 (Пинчови и Шнауцери, Молоси и Швајцарски Планински кучиња), Секција 3: Швајцарско планинско куче, #46
  • Класификација: куче чувар
  • Други имиња: Appenzell Mountain Dog / Appenzeller Sennenhund / Appenzell Cattle Dog
  • Земја на потекло: Швајцарија
  • Животен век: 12 до 14 години
  • Темперамент: верни, паметни, работливи
  • Тежина: 22 – 32 кг,
  • Висина: 48 – 58 см,
  • Бои: црна или кафеава, со смеѓи и црвени ознаки
  • Форум за Апенцелско планинско куче

Земја на потекло - историјат

Апенцелското планинско куче потекнува од Апенцелските Алпи во Швајцарија. Оваа раса е позната и под следниве називи: Appenzeller Sennenhund и Appenzell Cattle Dog. Има две теории за нивното потекло. Едната теорија вели дека тие се древни домородни кучиња кои постоеле уште во бронзената ера. Другата теорија вели дека Римјаните ги донеле во Швајцарија. Без разлика на тоа која од овие теории е точна, апенцелското планинско куче е едно од четирите официјални швајцарски раси на планински кучиња таканаречени Sennenhund.

Крзно

Крзното е двојно и со право влакно. Основната боја е црна или кафеава со ознаки или прамени во бела боја и боја на ’рѓа. Ознаките во бела боја и боја на ’рѓа треба да бидат над очите и на главата. Прамените во боја на ’рѓа се секогаш помеѓу црните и белите прамени.

Карактер

Апенцелските планинске кучиња се многу верни кучиња. Се приврзуваат посебно со една личност од фамилијата, но ќе и бидат верни на целата фамилија доколку доволно сте покрај нив. Тие се многу паметни кучиња кои бараат многу внимание. Доколку ги игнорирате може да станат непослушни и повлечени од сите и секого. Тие се работни кучиња кои со задоволство ќе водат и чуваат стада. Со задоволство ќе завршат и било каква друга работа која ќе ја побарате од нив, бидејќи тие уживаат да бидат зафатени. Иако тие и се верни на фамилијата, тие се сомничави и претпазливи со туѓинци. Доколку се социјализираат учте како мали кутриња, добро ќе се сложуваат со други кучиња, други домашни миелничиња, како и со деца.

Дресура

Апанцелското планинско куче учи доста брзо, па дресирањето нема да претставува проблем. Поради нивната висока интелигенција тие сакаат да се зафатени. Уживаат да бидат надвор со нивниот сопственик или дресер.

Неопходна грижа

Тимарењето е навистина едноставно. Доволно е само со четка да ги отстраните мртвите влакна.

Тренинг

Апанцелските планински кучиња уживаат во игри на фаќање и агилност. Уживаат да бидат зафатени и слободно да го корситат просторот. Оваа раса на кучиња не е соодветна за живот во стан, или воопшто за живот внатре под покрив.

Најава






Немате корисничко име, регистрирајте се.
прашајте др. ветеринар
изгубено-најдено