Басет

  • Стандарди: FCI група 6 (Гоначи), Секција 1: Ловечки кучиња (лови и трага по мирис), #163
  • Класификација: куче
  • Други имиња: Basset Hound
  • Земја на потекло: Франција
  • Хипоалергично: Не
  • Животен век: 10 – 12 години
  • Темперамент: самостојно, друштвено, сталожено, трпеливо, весело, љубезно, мирно, тврдоглаво
  • Тежина: 23 – 27 кг,
  • Висина: 28 – 38 см,
  • Бои: бело-кафеава
  • Форум за Басет

Земја на потекло - историјат

Се верува дека басетот потекнува од стариот француски хрт, а се добил со мутација на гени. Го задржале општиот изглед и основните карактеристики со тоа што само ножете им биле доста пократки. Името Басет го добиле по францускиот збор 'bas' кој значи ниско. Поради подоцнежните вкрстувања со Bloodhound тие се здобиле со подобри трагачки способности кои се најдобри по оние на расата кучиња-трагачи-Bloodhound. Во Франција и Белгија басетите биле одгледувани за да следат траги на лисици, зајци и пердувест дивеч. Во историјата, басетите станале познати преку наполеон ИИИ кој чувал неколку вакви кучиња како домашни миленици. Нивната популарност се зголемила при една париска изложба на кучиња во 1863 година. Денес, басетите се се уште одлични ловџиски кучиња ценети поради нивните трагачки способности, но и доста популарни домашни миленици.

Тело

Телото е карактеристично поради непропорционално кусите нозе и тешките коски, но сепак е добро избалансирано. Познати се и по нивните длабоки и трогателни кафени очи. Кожата над очите е лабава. Ушите им се многу долги и нископоставени. Опашката е долга и малку свиткана и се носи високо. Шепите им се големи и заоблени, а нозете цврсти и со збрчкана кожа.

Крзно

Крзното на басетот е кратко, густо, мазно и сјајно. Прифатливи се сите бои, но нјачеста е комбинацијата на бела со кафеава боја. Овие кучиња често се митарат.

Карактер

Басетот е самостојно, друштвено, сталожено, трпеливо и весело куче. Оваа раса на кучиња е многу љубезна и мирна. Многу се наклонети кон својот сопственик и фамилијата која ги чува. Знаат да бидат и тврдоглави понекогаш и најчесто храната е првото нешто на нивната агенда. Знаат да бидат многу своеглави при трагање на плен. Имаат длабок лаеж. Тие се прекрасни домашни миленици кои веднаш ќе ги засаакте поради нивниот нежен поглед и меланхоличен изглед. Тие се иделани придружници за децата со кои ќе обожаваат да си играат. Како и да е, не им дозволувајте на децата да им ги тегнат ушите или да вршат притисок на грбот на басетот, бидејќи тоа може многу да им наштети. Добро се сложуваат и со други кучиња и со други домашни миленици. Басетите се доста вокални и не сакаат да бидат сами.

Дресура

Басетите треба да ги дресирате трпеливо и доследно. Процесот на дресирање треба да биде активен и привлечен за басетите да бидат постојано заинтересирани. Може да не ви бидат послушни доколку по добро изведената задача не следи награда. Познато е дека басетите тешко се учат да уринираат на одредено место.

Исхрана

Басетите имаат лаком апетит. Треба да внимавате на нивната исхрана за да не станат прекумерно тешки, бидејчи тоа може да доведе до сериозни здравствени проблеми со грбот или воопчто скелетниот систем на кучето. Внимавање на исхраната е потребна и за да се избегне надувување на стомакот кон што овие кучиња се склони.

Неопходна грижа

Четкајте го крзното со поцврста четка за време на митарењето за да ги отстраните мртвите и очтетени влакна. Чистете им ги ушите редовно за да спречите инфекции. Исто така, чистете ги повремено и збрчканите делови од телото. Сечете им ги канџите редовно.

Тренинг

На басетите не им е потребно премногу движење, но знаат да бидат возбудени и многу енергични кога ќе ги изнесат надвор. Водете ги на кратки прошетки или оставете ги да си играат во дворот. Погодни се за живот во стан.

Заболувања

Покрај проблеми со тежината, надуеноста и заболувања во грбот, басетите се подложни и на проблеми со очите, а и инфекции на ушите поради неправилно циркулирање на воздух во ушните канали.

Најава






Немате корисничко име, регистрирајте се.
прашајте др. ветеринар
изгубено-најдено