milenicinja.mk » Раси на кучиња » Чешки Териер

Чешки териер

  • Стандарди: FCI група 3 (Териери), Секција 2: Мали териери, #246
  • Класификација: домашно милениче
  • Други имиња: Cesky Terrier / Bohemian Terrier
  • Земја на потекло: Чешка
  • Хипоалергично: Да
  • Животен век: 12 до 14 години
  • Темперамент: спортски, мирен, трпелив, храбар, верен, послушен, весел
  • Тежина: 5 – 11 кг,
  • Висина: 25 – 35 см,
  • Бои: сива
  • Форум за Чешки териер

Земја на потекло - историјат

Чешкиот териер бил развиен од генетичарот Франтисек Хорак кој бил познат размножувач и одгледуваш и на шкотскиот териер и на Sealyham териер. Хорак сакал да развие ловечка раса на кучиња кои ќе бидат со кратки нозе за да можат да влегуваат во дупки во земјата, а и да ловат на отворено. Вкрстувањето започнало во 1949 година, а стандардизацијата на расата се установила до 1959 година.

Тело

Телото е со средна должина, со рамен грб и малку подигнато кај слабината која е долга и широка. Градите се повеќе заоблени отколку што се длабоки. Ребрата се добро распоредени. Стомакот е поразделен од последното ребро и од задните нозе и е малку вовлечен. Ушите се високопоставени, триаголнести, со средна големина и се превиткуваат нанапред, близу до главата. Опашката не се кастри и е околу 18 до 20 см долга, а се носи хоризонтално или малку подигнато кога кучето е активно.

Крзно

Чешките териери секогаш се раѓаат со црно крзно кое избелува со време. Осветлувањето на крзното може да трае и до две години. Крзното е дебело, свиленкасто и брановидно. Очите им се покриени со густо и долго крзно, како и вратот каде пак крзното може да биде и кадраво.

Карактер

Чешкиот териер е спортски, мирен, трпелив, храбар, верен, послушен и весел. Тој е генерално полесен за дресирање од другите териери, но сепак ги има оние типични карактеристики како бестрашност и тврдоглавост. Добро се сложува со други куиња, други домашни миленици, деца, па дури и туѓинци. Тој лесно се прилагодува на разлижни животни услови, па може да живее и на село и во урбана средина. Тоа е прекрасно домашно милениче кое ќе ви биде прекрасен придружник, послушно куче и храбар чувар.

Дресура

Лесно ќе го дресирате.

Неопходна грижа

Крзното на чешкиот териер треба да се тимари редовно. Крзното на стомакот, на нозете, околу рилката, на брадата и над очите се чува подолго. Доколку ги шувате како домашни миленичиња ќе треба да ги стижите околку четири пати годишно, а доколку учествуваат на изложба уште почесто. Подолгите делови крзно треба да се четкаат или чешлаат неколку пати неделно за да не се заплеткува. Вишокот коса меѓу нозете треба да се стрижи, а и вишокот коса во ушните канали треба да се отстранува.

Тренинг

Чешкиот териер има просечна потреба за движење. Ужива да трча и да си игра под ведро небо. Исто така, ќе ужива и во долги прошетки водено на ремен или пак да ви прави друштво додека џогирате.

Најава






Немате корисничко име, регистрирајте се.
прашајте др. ветеринар
изгубено-најдено