milenicinja.mk » Раси на кучиња » Финско-Лапонско Куче

Финско-лапонско куче

  • Стандарди: FCI група 5 (Шпиц и Примитивни видови), Секција 3: Нордиски чувари и овчари, #189
  • Класификација: овчарско куче
  • Други имиња: Finnish Lapphund / Lapinkoira, Lapland Dog
  • Земја на потекло: Финска
  • Хипоалергично: Не
  • Животен век: 11 до 12 години
  • Темперамент: храбро, паметно, смирено, љубезно, друштвено
  • Тежина: 20 – 21 кг,
  • Висина: 46 – 52 см,
  • Бои: црна
  • Форум за Финско-лапонско куче

Земја на потекло - историјат

Финско-лапонските кучиња биле официјализирани од лапонците во северна Скандинавија. Најпрво тие биле одгледувани за лов на диви елени, но во поскоро време тие се одгледуваат и како овчарски кучиња на многу фарми.

Тело

Телото е цврсто градено со прав грб, доста раздвоени и подигнати уши чии врвови може и да се превиткани и густа и благо свиткана опашка која се носи над грбот.

Крзно

Крзното е двослојно. Надворешното крзно е долго и грубо на поголемиот дел од телото, но на главата е мазно, а на нозете е кратко. Внатрешното крзно е густо и меко. Крзното може да биде во сите бои, но најчесто тоа е црно или темнокафеаво. Основната боја мора да ја има на главата, вратот, градите, нозете и врвот на опашката.

Карактер

Финско-лапонското куче е храбро, смирено и паметно. Тоа е идеално домашно милениче, како и одлично овчарско куче на фармерите. Верно е, сака да биде надвор и сака да биде зафатено. Брзо учи и знае да биде строго самото кон себе. Многу е друштвено и добро се сложува со децата, додека со туѓинците е претпазливо. Не е добро куче-чувар затоа што е многу љубезно, но како и да е, ќе ве предупреди кога ќе пристигне посетител.

Дресура

Овие кучиња сакаат да учат и тоа го прават доста брзо, па дресирањето нема да претставува проблем.

Неопходна грижа

Крзното треба да се четка редовно за да се отстрануваат мртвите и оштетени влакна од внатрешното крзно.

Тренинг

На овие кучиња им е потребно просечно движење дневно. Ќе уживаат да трчаат покрај вашиот велосипед или да одат на долги прошетки. Поради нивниот овчарски инстинкт тие сакаат да бидат блиску до својот сопственик, па не постојат големи шанси вавкото куче да ви избега.

Заболувања

Оваа раса на кучиња е една од најздравите раси кои постојат. Некои вакви кучиња имаат проблеми со разместување на колкот или страдаат од генетско наследни болести на окото.

Најава






Немате корисничко име, регистрирајте се.
прашајте др. ветеринар
изгубено-најдено