milenicinja.mk » Раси на кучиња » Германски Пинч

Германски пинч

  • Стандарди: FCI група 2 (Пинчови и Шнауцери, Молоси и Швајцарски Планински кучиња), Секција 1: Пинчови и Шнауцери, #184
  • Класификација: куче чувар
  • Други имиња: German Pinscher / Deutscher Pinscher
  • Земја на потекло: Германија
  • Хипоалергично: Не
  • Животен век: 12 до 15 години
  • Темперамент: добронамерни, дружељубиви, забавни, паметни, храбри, подготвени, верни
  • Висина: 45 - 50 см,
  • Бои: црна, жолто-кафеава, црвена, сина, албино
  • Форум за Германски пинч

Земја на потекло - историјат

Потеклото на германскиот пинч е доста непознато. Се верува дека тој се добил со вкрстување на минијатурниот пинч и доберманот. Некои пак веруваат дека и црниот и црно-жолтиот териер имаат удел во добивањето на оваа раса.

Тело

Градите им се умерено широки и длабоки. Грбот е прав, краток и малку закосен, а стомакот е малку вовлечен. Ушите им се високопоставени, подигнати или спуштени. Опашката е високопоставена и најчесто подигната, иако од време на време може да биде и спуштена.

Крзно

Германскиот пинч има густо, мазно и сјајно крзно со кратко влакно. Повеќето вакви кучиња се со црно-жолта боја на крзното, но посотјат и варијанти со црвена, кафеава и кафеаво-жолта боја на крзно. Овие кучиња се митарат просечно.

Карактер

Германскиот пинч е постојано подготвен за акција, добронамерен и дружељубив. Тие се прекрасни домашни миленици и одлични кучиња-чувари. Добро се сложуваат и со помладите и со постарите и знаат да бидат навистина забавни. Паметни се и брзо учат. Многу се храбри и верни на фамилијата која ги чува. Лаат само кога е потребно.

Дресура

Пристапот при дресирањето треба да биде доследен. На оваа раса им е потребна одредена програма на вежби која ќе ја следат со цел да ја надминат нивната природа за владеење со простор. На пример, мораат да научат дека не е соодветно да се ’ржи на луѓето. Како и да е, бидејќи се доста паметни, брзо ќе научат сe што барате од нив. Тие дури можат да бидат одлични натпреварувачи во игри на агилност и послушност.

Неопходна грижа

Тимарењето не е воопшто комплицирано. Доволно е четкање на крзното од време на време, за да се отстранат мртвите и слаби влакна. Животниот век им е околу 12 до 15 години и важат за доста здрави кучиња кои многу ретко имаат здравствени проблеми.

Тренинг

Германскиот пинч е енергично куче на кое му е потребно секојдневно движење, џогирање или играње во голем заграден двор. Тие обожаваат да ловат.

Најава






Немате корисничко име, регистрирајте се.
прашајте др. ветеринар
изгубено-најдено