milenicinja.mk » Раси на кучиња » Германски Шпиц

Германски шпиц

  • Стандарди: FCI група 5 (Шпиц и Примитивни видови), Секција 4: Европски Шпиц
  • Класификација: куче придружник и домашно милениче
  • Други имиња: Pomeranian / Pom, Toy German Spitz, Deutscher Zwergspitz, Zwers
  • Земја на потекло: Германија
  • Хипоалергично: Не
  • Животен век: 12 – 16 години
  • Темперамент: храбро, весело, енергично, паметно, самоуверено, верно
  • Тежина: 9 – 14 кг,
  • Висина: 18 – 22 см, за помалите и 23 – 28 см, за поголемите германски шпицови
  • Бои: сите
  • Форум за Германски шпиц

Земја на потекло - историјат

Германскиот шпиц потекнува од грендландските влечни кучиња. Померанија е историски регион во јужниот дел од Балтичкото море кој е поделен меѓу Германија и Полска каде се случил најголемиот дел од развојот на оваа раса уште во VIII век. Биле вкрстувани за да се добие мало кутре со густо крзно. Во Англија, се добиле уште помали и разнобојни варијанти од оваа раса. Таму, кралицата Шарлот и кралицата Викторија се погрижиле овие кучиња да станат доста популарни во 1700 и 1800 години. Кралицата Викторија имала мал германски шпиц наречен Марко кој го донела од Фиренца, Италија. Од Американскиот кинолошки клуб оваа раса била признаена во 1900 година и оттогаш се повеќе се смалувала големината на расата и се развивале варијанти со побујни крзна. Денес, германскиот шпиц е многу популарна раса која е и најмалата раса на кучиња со северно потекло.

Тело

Телото е кусо и компактно. Градите се длабоки. Рамениците убаво исправени наназад. Грбот е рамен и краток. Стомакот е вовлечен во задниот дел. Имаат клинеста глава и краток врат. Ошите им се во форма на бадем. Ушите се мали, триаголни и исправени. Опашката е високопоставена, со средна големина, права, исправена и свртена кон грбот. На опашката може да и се потребни неколку месеци за да израсне и да се израмни. Имаат мали шепи.

Крзно

Германскиот шпиц има меко, пердувесто надворешно крзно и долго и грубо внатрешно крзно. Крзното може да биде црно, сино или чоколадно со или без жолти делови, како и кремасто, портокалово, црвено или еднобојно црно. Мажјаците се митарат еднаш годишно, а женките кога се на топло или после пораѓање.

Карактер

Германскиот шпиц е енергично и паметно куче кое сака да учи и кое е многу верно на својот сопственик и фамилија. Тоа е активно и самоуверено. Лае на сомничави ситуации и може да го истренирате да биде одличен чувар. Ужива да се гали или лудо да трча наоколку, а понекогаш и двете во истата минута. Добро се сложува со други кучиња и други домашни миленичиња особено ако е добро социјализиран уште од мал. Како и да е, не толерира премногу задевање, па добро би било да ги надгледувате додека се со мали деца затоа што доколку е погрешно третиран тој може да стане фрустриран и да гриза. Претпазлив е со туѓинци, но откако ќе сфати дека не постои опасност нема да прави проблеми. Поради неговата мала става ова е идеално милениче за луѓе кои живеат во стан. Тоа е гласно и храбро кутре кое понекогаш знае да се спротистави и на кучиња кои се многу поголеми од него, па сопственикот би требало да го заштити во вакви ситуации.

Дресура

Бидејќи германскиот шпиц е доста паметно куче, дресирањето ќе биде лесно. Треба да го дресирате уште додека е мало кутре за да не лае премногу. Исто така ќе треба да го научите да не се беси на нозе за да избегнете можност да биде згазнато или повредено.

Неопходна грижа

Крзното на германскиот шпиц треба да се четка неколку пати неделно за крзното да го одржи својот топчест и пердувест изглед. Надворешното крзно треба да е подигнато, па четкајте ги одвнатре-нанадвор со запците на четката убаво поставени во коренот на влакната. Бањајте ги само кога е неопходно. Кај овие кучиња ќе треба повеќе да се грижите за забите. Четкајте им ги забите најмалку еднаш неделно, а најпогодно би било доколку тоа го правите секој ден.

Тренинг

На овие кутриња не име потребно многу движење. Задоволни се со кратки прошетки и време да си играат во градината. Како и да е, способни се да изодат и подолги патеки без да се уморат.

Заболувања

Германските шпицови најчесто заболуваат од: дислоцирање на коленото, проблеми со срцето и проблеми со душникот.

Најава






Немате корисничко име, регистрирајте се.
прашајте др. ветеринар
изгубено-најдено