milenicinja.mk » Раси на кучиња » Кинеско Куче Со Кикиришка

Кинеско куче со кикиришка

  • Стандарди: FCI група 9 (Придружни и минијатурни кучиња), Секција 4: Голокожи раси (без влакна на крзното), #288
  • Други имиња: Chinese Crested Dog
  • Хипоалергично: Да
  • Животен век: 13 до 15 години
  • Темперамент: Happy, Playful, Affectionate, Alert, Lively, Sweet-Tempered
  • Тежина: Женка: 2,3–5,4 кг; Мажјак: 2,3–5,4 кг
  • Висина: Женка: 9–12 инчи (23–30 cm); Мажјак: 11–13 инчи (28–33 cm)
  • Бои: Black, Cream, Blue, Chocolate, Apricot, Tri-color. Прифатливи се сите бои на крзно.
  • Форум за Кинеско куче со кикиришка

Земја на потекло - историјат

Кинеското куче со кикиришка е кинеска мала раса која е позната по својот различен изглед и карактер. Постојат две варијанти на оваа раса, и тоа: ‘Hairless’ и ‘PowderPuff’. Овие две варијанти се толку различни на изглед една од друга што луѓето многу често ги грешат и мислат дека се од различна раса. Варијантата ‘PowderPuff’ е со гурсто и полно крзно со долго влакно кое наликува на вел, а има и подкрзно, додека варијантата ‘Hairless’ (односно без влакна во превод) имаат голо тело со коса само на главата, ушите и на врвот на опашката. Голото тело т.е. немањето крзно е всушност генетска псоледица. И двете варијанти можат да се добијат во исто легло. Има повеќе претпоставки за потеклото на овие кучиња. Некои велат дека се добиле со вкрстување на кинески и африкански раси без влакна, а други велат дека се добиле со вкрстување на чивавата и мексиканското куче без влакна. Како и да е, овие кучиња биле донесени во Кина во XIII век каде станале популарни како ловци на глувци и предмет за тргување кај морнарите. Со тргувањето, расата се распространила низ Блискиот Исток, Африка и Јужна Америка. Оваа раса не била призната сѐ до 1991 година. Денес тие се навистина поуларни.

Тело

Имаат широка глава и долга муцка. Доста големи и подигнати уши и очи во форма на бадем. Имаат прав и рамен грб, долги и тесни нозе како на зајак и весела опашка.

Крзно

Варијантата ‘Hairless’, односно оние кучиња без влакна, имаат голо тело со мека кожа како на луѓето, а перчиња коса имаат на главата и ушите (кои наликуваат на кикиришката на петелот), на врвот на опашката (кои наликуваат на перје) и понекогаш долу на нозете (што потсеќа на чорапчиња). ‘PowderPuff’ варијантата пак е со густо двојно крзно со меко и свиленкасто влакно.

Карактер

Овие кучиња се екстровертни. Весели се и сакаат да си играат, но исто така се и чувствителни и внимателни со луѓе кои не ги познаваат. Некои од нив се приврзуваат само со една личност од семејството, но повеќето од нив ќе се зближат со целото семејство. Исто така, добро се сложуваат со децата, други кучиња и други домашни миленичиња. Сепак оние кучиња без крзно треба да ги пазите во присуство на мали деца бидејќи го немаат потребното крзно кое има заштитничка улога. Освен тоа, тие не сакаат кога ги вознемирувате додека се во своето посебно место. Сакаат да се галат и се доста забавни.

Грижа

‘PowderPuff’ кучињата треба да се тимарат секојдневно и да се бањаат често. Косата на рилката (муцката) треба да се потскратува на неколку недели. Кожата на кучињата без крзно (варијантата ‘Hairless’) треба да се негува со лосион и креми против луштење. Исто така, нив треба да ги чувате подалеку од сонцето или да им ја заштитите „голата“ кожа со крема за сончање. Оваа раса на кучиња не се погодни за живот на отворено или пак на живот на ладно време, па можете да им облечете џемперче посебно на оние без крзно.

Тренинг

Оваа раса на кучиња се интелигентни кучиња кои лесно ќе ги дресирате. Но, треба да сте внимателни и нежни при пристапот. Можат да научат доста најразлични трикови. Претпочитаат дневни прошетки, но можат да ја задоволат својата потреба за движење и внатре во домот играјќи си. Ова ги прави соодветни за живот во стан.

Најава






Немате корисничко име, регистрирајте се.
прашајте др. ветеринар
изгубено-најдено