milenicinja.mk » Раси на кучиња » Леонбергер

Леонбергер

  • Стандарди: FCI група 2 (Пинчови и Шнауцери, Молоси и Швајцарски Планински кучиња), Секција 2: Молоси, #145
  • Класификација: куче чувар и овчарско куче
  • Други имиња: Leonberger / Leo / Gentle Lion
  • Земја на потекло: Германија
  • Хипоалергично: Не
  • Животен век: 8 до 9 години
  • Темперамент: самоуверено, лојално, храбро, паметно, верно, љубезно, трпеливо, друштвено
  • Тежина: 45 – 77 кг,
  • Висина: 69 - 79 см,
  • Бои: црвено, жолто, кафеаво, кремасто
  • Форум за Леонбергер

Земја на потекло - историјат

Леонбергерот е именуван по градот Леонберг во југозападна Германија каде оваа раса ја размножил германскиот одгледувач Хајнрих Есинг (Heinrich Essing) во 1846 година. Тој ги вкрстил, љуфаундленот, бернардинецот и пиринејскиот мастиф. Целта му била да добие куче кое ќе наликува на лав, а дека успеал во тоа ни кажуваат златестат боја и гривата на леонбергерот. Многу кралски фамилии чувале вакво куче меѓу кои и кралицата Елизабета од Австрија, Наполеон II, принцот од Велс, Бизмарк и италијанскиот крал Умберто. Многу вакви кучиња биле извезени во Русија во XIX век. Двете светски војни скоро ја истребиле оваа раса, бидејќи било многу тешко да прехранувате вакви кучиња во време кога владеела општа глад и немаштија. До крајот на Втората светска војна, во 1945 година, останале само неколку вакви кучиња, како што велат записниците само 8, од кои потекнуваат сите леонбергери кои постојат денес. Денес посотењето на леонбергерот е повратено и тие повторно се популарни во Европа. Во Америка, за прв пат вакво куче било извезено во 1971 година, а денес тие таму бројат околу 1000 регистрирани кучиња. Леонбергерите се одлични чувари на стадата, ловџиски кучиња кои доста успешно следат траги, како и паметни кучиња кои се докажуваат како многу послушни.

Тело

Телото им е големо и мускулесто, но изгледа елегантно и грациозно. Носето е црно, муцката е долга, а гризот многу остар, очите се кафени и овални, и ушите се високопоставени и виснати. Имаат доста долг врат, прав грб, длабоки гради, мускулести нозе и долга и густа опашка.

Крзно

Леонбергерот има или меко или грубо водоотпорно крзно. Крзното може да биде жолто, црвено, кремасто или кафено, со црна рилка. Тие имаат густа грива која потсетува на онаа на лавот. Многу се митарат.

Карактер

Леонбергерите се доста агилни кучиња. Тие се самоуверени, лојални, храбри, паметни и верни. За разлика од другите големи раси на кучиња, овие кучиња не се лигават. Но, сакаат да копаат, па ќе треба да припазите додека тие се сѐ уште мали и да ги научите како да се однесуваат. Познати се по љубезното однесување, иако се доста големи кучиња. Љруштвени се и ги сакаат сите луѓе, вклучувајќи ги и децата, и туѓинците. Добро се сложуваат и со други кучиња и со други домашни миленичиња. Тие се многу трпеливи кучиња кои се полни со разбирање и желба да ве задоволат.

Дресура

Нема да реагираат при ригорозни и строги методи. Позотивно поттикнување е вистинскиот метод за дресирање на вакво куче. Се препорачува социјализирање и тренинг за послушност уште од рана возраст.

Неопходна грижа

Крзното на леонбергерот треба да се четка еднаш неделно, а да се бањаат само кога е неопходно.

Тренинг

Тие се неактивни внатре во домот, но сепак не се препорачуваат за живот во стан поради нивната големина и енергија. Потребно им е умерено движење. Преферираат да живеат под поладно поднебје и уживаат да поминуваат многу време надвор. Како и да е, не би требало да ги оставате да спијат надвор, бидејќи потребно им е човечко присуство и друштво. Најмногу од сѐ, тие сакаат да пливаат.

Најава






Немате корисничко име, регистрирајте се.
прашајте др. ветеринар
изгубено-најдено