Ши-тцу

  • Стандарди: FCI група 9 (Придружни и минијатурни кучиња), Секција 5: Тибетски раси, #208
  • Класификација: Куче придружник
  • Други имиња: Shih Tzu / Chinese Lion Dog / Chrysanthemum Dog / Shih Tzu Kou
  • Земја на потекло: Тибет
  • Хипоалергично: Да
  • Животен век: 11 до 14 години
  • Темперамент: Happy, Active, Playful, Gentle, Intelligent, Outgoing, Clever, Alert, Friendly, Independent, Courageous, Lively, Spunky
  • Тежина: 5 - 6 кг,
  • Висина: 25 см,
  • Бои: Liver, Brindle, Black, Blue, White, Black
  • Форум за Ши-тцу

Земја на потекло - историјат

Оваа раса потекнува од Тибет уште од 1600тите години. Како и да е, Ши-тцу кое го знаеме, во денешната форма, најпрво било одгледувано во Кина за време на владеењето на кинеската царица Dowager Cixi во доцните 1800ти години. Се добило како резултат на вкрстувањето на Пекинезер и Ласа Апсо. Ши-тцуто било омилена раса на кралството, но откако британските трупи го ограбиле Забранетиот Град ( кинеската „забранета“ палата за време на владеењето на династијата Минг која се наоѓа во средината на Пекинг) бројот на ваквите кучиња се намалил. Сепак, расата опстанала, но долго време не била сметана за различна од расата Ласа Апсо, сѐ до 1934-тата година кога разликите биле препознаени, па оваа раса била признаена и го добила своето име Ши-тцу. Популарноста на оваа раса расте сѐ повеќе секој ден.

Тело

Телото им е јако. Тоа е подолго отколу што е исоко. Грбот е рамен, а градите се длабоки и широки. Нозете им се кратки, но мускулести. Опашката е високопоставена и ја носат свиткана над грбот. Ушите се големи, виснати и се спојуваат со прамените коса околу вратот.

Крзно

Надворешното крзно е долго, густо, со прави или малку брановидни влакна. Внатрешното крзно е меко. Треба да имаат густи прамени на главата, ушите, брадата, мустаќите и опашката. Прифатливи се сите бои, но најчести бои на крзното се беж, црна и црвена, најчесто искомбинирани со бела.

Карактер

Ши-тцуто е самостојно и независно куче кое е паметно, достоинствено и мило. Весело е и сака да се дружи, и иако добро се сложува со децата и други домашни миленичиња, не се спријателува со сите. Без разлика на друштвото, тоа секогаш ќе се однесува благородно. Ретко лаат, па не се добри кучиња чувари.

Дресура

Треба да бидете упрони при нивното дресирање, бидејќи овие кучиња знаат да бидат тврдоглави. Така на пример, потешко ќе го научите да уринира на одреденото место. Исто така, уште од мала возраст треба да го привикнете за време на тимарењето да седи мирно, бидејќи овој процес ќе се одвива доста често.

Неопходна грижа

Потребно е многу тимарење. За да се спречи замрсување на влакната, крзното треба да се чешла секој ден. Препорачливо е, еднаш месечно, тоа да го направи професионалец. Косата која паѓа над очите би требало да им ја фаќате со ластиче или шнола за да не им смета. Исто така, треба да се корситат специјални капки за очи, за тие да останат чисти, ушите треба да се чистат редовно, ноктите да се сечат еднаш месечно и лицето да се брише после секое јадење. Убавината на крзното на оваа раса е очигледна само при правилно и грижлио негување на истото.

Тренинг

Се задоволуваат со мали прошетки.

Заболувања

Најчести заболувања кај овие кучиња се: неправилен проток на крв меѓу црниот дроб и другите органи (liver shunt), неправилна работа или откажување на бубрегот (renal dysplasia), проблеми со очите, и кај поголемите кучиња од овој вид и разместување на зглобот на колкот што може да допринесе до куцање или артритис.

Најава






Немате корисничко име, регистрирајте се.
прашајте др. ветеринар
изгубено-најдено