milenicinja.mk » Раси на кучиња » Шкотски Териер

Шкотски териер

  • Стандарди: FCI група 3 (Териери), Секција 2: Мали териери, #73
  • Класификација: домашно милениче
  • Други имиња: Scottish Terrier / Scotties
  • Земја на потекло: Шкотска
  • Хипоалергично: Да
  • Животен век: 12 до 15 години
  • Темперамент: самостојно, храбро, паметно, внимателно, великодушно, претпазливо, активно
  • Тежина: 8 – 11 кг,
  • Висина: 25 – 28 см,
  • Бои: чисто црна, црна со посветли прамени и во боја на жито
  • Форум за Шкотски териер

Земја на потекло - историјат

Во Шкотска, уште во 1561 година бил регистриран шкотски териер кој е сличен на денешниот. Порано биле познати како Aberdeen Terriers и многу наликувале на Skye териерот. Овие мали кучиња биле вреднувани за нивната способност да соработуваат со ловџиите на лисици и да ги ловат штетниците на фармите. Значајно е што тие се со куси нозе, па се поблиску до земјата што им помагало полесно да копаат и да се вовлекуваат во дупките на лисицте. Тие имаат и цврсти опашки што било добро за ловџиите да можат да ги извлечат од дупките доколку се заглават.

Тело

Телото е кусо, со длабоки и широки гради, долги раменици и кус и прав грб. Слабината пак е длабока и мускулеста, а плешките релативно широки. Ушите се високопоставени, мали, исправени и со остар врв. Опашката е подебела во основата и се стеснува кон врвот, со средна должина и може да е малку свиткана.

Крзно

Крзното е двослојно. Надворешното крзно е цврсто и грубо, а внатрешното крзно е густо и меко. Бојата на крзното може да биде чисто црна, црна со посветли прамени и во боја на жито.

Карактер

Шкотскиот териер се приврзува многу со фамилијата која го чува. Тоа е многу внимателно, великодушно, претпазливо и активно куче. Добро се сложува со други домашни миленичиња. Исто така се добри и со децата доколку децата се однесуваат фино со нив, не ги третираат како играчки и им дозволуваат да имаат свој простор. Тоа е и самостојно, храбро и паметно куче. Ваквиот териер, како и повеќето териери, сака да копа, па не се препорачува за домашно милениче на сопственик кој е вниателен градинар кој е осетлив кога станува збор за неговата градина.

Дресура

Шкотскиот териер лесно ќе го дресирате, но дресерот треба да запамти дека тоа е самостојно куче и процесот на дресирање треба да се одвива доследно и со почит.

Неопходна грижа

Крзното на шкотскиот териер треба да биде стрижено околу два пати годишно. Исто така, крзното треба и редовно да се четка и чешла. Рилката и брадата треба да се чистат после јадење.

Тренинг

Потребите за вежби и движење на овие кучиња не се воопшто комплицирани. Тие лесно ќе се прилагодат на фамилијарните активности и така ќе ја задоволат својата потреба за движење.

Најава






Немате корисничко име, регистрирајте се.
прашајте др. ветеринар
изгубено-најдено