milenicinja.mk » Раси на мачки » Шарена Персиска Мачка (Црни, Бели И Кафеави Нијанси)

Шарена персиска мачка (црни, бели и кафеави нијанси)

  • Категорија: Категорија 1 - (Егзотични и Персиски)
  • Други имиња: Tortoiseshell persian cat
  • Крзно: густо и свиленкасто
  • Очи: бакарни или темно портокалови
  • Други карактеристики: розови или црни носе и шепи, во зависност од доминантната боја на крзното
  • Грижа: секојдневно, напорно и темелено
  • Темперамент: кроток
  • Форум за Шарена персиска мачка (црни, бели и кафеави нијанси)

Општ опис

Класичната шарена персиска мачка има крзно кое е мешавина од црна, црвена и бледоцрвена боја. Конфигурацијата на бои е влијание од мешавината на гените за боја чиј носител е женскиот родител. Доколку женката има два црвени ХХ хромозоми, младенчето ќе биде со црвено крзно. Но, доколку еден од хромозомите кај женката е носител на црвена боја, а другиот не, тогаш младенчето ќе има крзно кое е смеса на црвена и некоја друга боја, односно се добива таканаречената tortoiseshell (оклоп на желка) шара која всушност наликува на шарата на оклопот на желките.
Поради сложената генетска структура потребна за да се добијат мачиња со ваква шара, најчесто сите мачки од овој подвид се женки. Тие можат да бидат во повеќе нијанси како: чоколадна варијанта, сино-кремаста варијанта или пак лилаво-кремаста (каде сродството може да се види по името на боите). Кога се размножваат вакви мачиња, стремежот е да се добие мачка со совршен баланс на нијансите на крзното.
Така на пример, кога црната и чоколадната се вкрстуваат со црвената може да се добие прекрасен приказ на бои кои потсетуваат на огномет. Љубителите на ваквата варијанта се надеваат дека боите на крзното на нивната мачка ќе биде одлично дефинирана, за потоа и мачињата кои ќе ги добијат да имаат силна црвена линија низ средината на лицето. Некои мачиња имаат сиви нијансирања низ црното крзно, но тоа најчесто исчезнува по шест или девет месеци. Се вели дека оние мачки од овој вид кои ја имаат таа црвена лента на лицето го наследиле енергичното или повремено палавото однесување од црвената персиска мачка. Но, исто така и дека се наклонети да бидат грижливи мајки. Нестварната боја на избледената варијанта на овој вид шарена мачка се смета дека е надополнета со шармантно и мило однесување. Според Британскиот стандард, пријатните бои треба да се прелеваат една во друга наликувајќи на свилен материјал кој се прелева. Очите на сите вакви шарени мачки се крупни во темнопортокалова или бакарна боја.

Најава






Немате корисничко име, регистрирајте се.
прашајте др. ветеринар
изгубено-најдено