milenicinja.mk » Новости » Милиони животинки настрадаа во страшниот пожар во Австралија

Милиони животинки настрадаа во страшниот пожар во Австралија

Објавено: 06/Jan/2020 во 14:35

Милиони животинки настрадаа во страшниот пожар во Австралија
Во пожарот кој со недели трае ви Австралија, изумреа милиони животинки, а стотици се загрозени. 

Во пожарот настрадале и дивите и домашните животни, при што дивите се повеќе загрозени и изложени на поголем ризик од изумирање, пренесуваат од австралискиот портал 9Њуз. 

Директорката на организацијата „Див живот Викторија“, Меган Дејвидсон изјавила дека точниот број на настрадани животни можеби никогаш нема да се знае и дека во пожарот настрадале и цицачи и птици и влечуги. 

„Опасноста не е готова, спасувачките екипи се беспомошни. Во наредните денови многу животни ќе настрадат од глад и стрес“ додала Дејвидсон. 

Загрозени се и многу живеалишта на птици, рекол Ален Јорк од Универзитетот во Мелбурн додавајќи дека помеѓу загрозените птици има и такви кои спаѓаат во редок вид. 

Во пожарот до сега настрадале најмалку 18 лица, а надлежните предупредиле на влошување на временските услови поради зајакнување на ветрот и растот на температурата. 

Само во текот на оваа недела се уништени 380 куќи на јужниот брег на Нов Јужен Велс, а евакуирани се илјадници граѓани. До сега изгореле околу 5 милиони хектари земја, а повеќе од 1.300 домови се уништени. 

Поради чадот од дивиот пожар, квалитетот на воздухот во престолнината Канбери денеска е најлош, а ветерот го разнесува чадот и кон Нов Зеланд.


Коментари

Најава






Немате корисничко име, регистрирајте се.
прашајте др. ветеринар
изгубено-најдено