milenicinja.mk » Новости » Дали куче е добар подарок за Божиќ?

Дали куче е добар подарок за Божиќ?

Објавено: 06/Jan/2020 во 19:41

Дали куче е добар подарок за Божиќ?
Дека кучето не е добар подарок за Божиќ пишувавме многу пати. Кучето не е идеален подарок ако сакате некој да го израдувате само за празник или да ми предизвикате насмевка на лицето. Кучето не е идеален подарок ако по празниците заборавите на него. 

Сите ги имаме гледано прекрасните снимки од среќните луѓе кои ги отвораат своите новогодишни подароци од кои излегува прекрасно куче. Спакувано во кутија, за Божиќното утро. Она што малку од нас го гледаат на тие снимки е дека кучињата се земаат од азил и по празничната еуфорија, истите се враќаат назад, пишуваат од организацијата ПЕТА која секоја година апелира за овие грешки. 

Не сметаме дека луѓето кои подаруваат куче на други се лоши. Лоши се оние кои ги подаруваат само за моментална среќа. Доколку сакате на некого да му го разубавите животот и да го збогатите со нив пријател, распрашајте се дали тоа лице сака да вдоми такво куче. Дали сака да чува куче во наредните години. Дали за таква активност има доволно љубов, како и финансиски средства. 

Доколку сметате дека ја имате вистинската личност за еден ваков прекрасен подарок – прошетајте до локалното прифатилиште. Таму ве чекаат многу топли погледи и муцки кои сакаат токму овој Божиќ да го дочекаат во нов и топол дом.


Коментари

Најава






Немате корисничко име, регистрирајте се.
прашајте др. ветеринар
изгубено-најдено