milenicinja.mk » Новости » Потреба или мода? Дали облеката за миленикот е потреба или хир на сопственикот?

Потреба или мода? Дали облеката за миленикот е потреба или хир на сопственикот?

Објавено: 08/Jan/2020 во 17:30

Потреба или мода? Дали облеката за миленикот е потреба или хир на сопственикот?
Облеката на кучињата станува се повеќе популарна, па на улиците често можат да се видат разновидни комбинации за домашните миленици, почнувајќи од тренерка, капут, мантил и елек, па до разновидни чевли, вратоврски и додатоци. 

Целата таа гардероба, во зависност од моделот и брендот, чини колку и за луѓе па и повеќе, поради што често се поставува прашањето дали тоа навистина е потреба или станува збор за мода и престиж. 

Ветеринарите се сомневаат дека облеката за одредени видови кучиња е неопходна, бидејќи ги чува од ладно, но ги има и оние сопственици кои претеруваат со облекување на своите миленици. 

Потребата од облека кај малите раси на кучиња како и оние кои имаат кратки влакна е потреба бидејќи тие лесно можат да се намократ и да се смрзнат. Се разбира, како и во секоја прилика, модната индустрија тоа го искористила па може да се видат интересни модели. 

Кога температурата е под нула, на кучињата им е потребно облекување. Во таквите денови, потребата од промените на температурата (од топол дом на ладна лица) може да му наштети на здравјето. 

Облекувањето на кучето се препорачва во сите ситуации кога надвор температурата е под нула, а особено кога паѓа дожд или кога снегот се топи. 

Во тие денови посебно треба да се обрне внимание на стопалата и шепите кои треба да се заштитат од лед, снег и сол кој е расфрлан наоколу. Солта може да создаде сериозни повреди на шепата. Како заштита корисни се и хидратантните креми. 

Научниците тврдат дека за сите раси на кучиња, најдобра заштита во зима е движење. За време на движење организмот се грее и со тоа околу се создава изолационен слој кој штити од ладно. 

За некои мода, а за некои потреба, но сигурно облекувањето на миленикот привлекува внимание кај минувачите на улица, а се јавуваат и се повеќе модни дизајнери кои креираат костими за кучиња.


Коментари

Најава






Немате корисничко име, регистрирајте се.
прашајте др. ветеринар
изгубено-најдено