milenicinja.mk » Новости » Антифриз од автомобилите може да им наштети на животните

Антифриз од автомобилите може да им наштети на животните

Објавено: 09/Jan/2020 во 17:25

Антифриз од автомобилите може да им наштети на животните
Сигурно прво си помислувате дека кучето и вашиот автомобил немаат никаква поврзаност еден со друг и дека не може да си замислите било каква опасност. Мора да ве разочараме бидејќи автомобилот може да предизвика штета за вашиот миленик. Не дирекно, туку течностите кои се истураат во автомобилот за да го заштитат од последиците на ниските температури можат да претставуваат опасност. 

Иако ви изгледа нереално и незамисливо, регистрирани се случаи од труење на миленици со антифриз. Тој им е привлечен поради слаткиот вкус. Колку е опасен за вашиот четириножен пријател кажува фактот дека само една кафена лажичка концентриран антифриз може да биде смртоносен за мало кученце. 

Доколку вашето куче повраќа, поспан е и нема способност да оди правилно – голема е веројатноста дека голтнал антифриз.

Еден од поголемите проблеми при труење со антифриз е тешкото дијагностицирање бидејќи сопствениците не се свесни дека нивниот миленик дошол во контакт со оваа супстанција. Доколку на време се открие труење со антифриз, лекувањето може да биде успешно. Во спротивно, доаѓа до оштетување на бубрегот и другите органи. 

Во секој случај она што е од клучна важност е брзата реакција и терапија. 

Првата превентивна мерка е антифриз и другите супстанции кои содржат етил гликол да се чуваат подалеку од миленикот. Другата превентива е следење на движењата на миленикот. Доколку сепак дојде до контакт на миленикот со оваа супстанција посоветувајте се со ветеринар. 

Сепак уште еднаш повторуваме – брзата реакција може да му го спаси животот.


Коментари

Најава






Немате корисничко име, регистрирајте се.
прашајте др. ветеринар
изгубено-најдено