milenicinja.mk » Новости » Еве како уште денес да го израдувате своето куче

Еве како уште денес да го израдувате своето куче

Објавено: 15/Jan/2020 во 18:45

Еве како уште денес да го израдувате своето куче
Кога последен пат сте направиле нешто со намера да го развеселите својот миленик? 

Нивното присуство во нашиот дом и живот, докажано е, го намалува стресот, го поправува расположението и не прави здрави. Доволно е што доаѓа до нас со високо крената опашка, целото возбудено и подготвено да ни го поправи денот. А дали сте се запрашале што е она што навистина ги прави кучињата среќни? 

Секако, секој ден им даваме храна, ги мазиме, шетаме и се играме со нив . Еве неколку совети како да ги направиме уште посреќни нашите миленици, а при тоа да не потрошиме многу пари и време. 

Продолжете ја прошетката. Поведете го своето куче на планинарење. Дофрлувајте се со фризби. Водете го со вас на трчање. Овозможете му место на кое може да трча без поводник. 

Подајте му рака. Фигуративно, се разбира, многу е важно да знаете дека кучињата многу подобро ги разбираат визуелните од вербалните сигнали. За време на тренингот, користете ги рацете со гласовни команди и вашиот миленик ќе биде пресреќен што конечно ќе ве разбира. 

Масажа. Уживањето во релаксирачка масажа не е потреба само на луѓето. И голем број кучиња уживаат во добра масажа, особено кога биле многу активни и уморни во текот на денот. Секако, немојте да бидете многу груби, туку со нежни движења масирајте го грбот. 

Водете грижа за неговото крзно. Доколку имате куче на кое му е потребно редовно шишање – не го прескокнувајте одењето кај фризер бидејќи и кучињата сакаат да бидат чисти и уредни. Исто така од време на време четкајте го неговото крзно и капете го кога е потребно. 

Пронајдете му другари. Обидете се во соседството да пронајдете куче со кое вашиот миленик добро ќе се сложува и организирајте заеднички дружења и игра.


Коментари

Најава






Немате корисничко име, регистрирајте се.
прашајте др. ветеринар
изгубено-најдено