milenicinja.mk » Новости » Науката е на праг да го реши проблемот со алергии кои ги создаваат мачки

Науката е на праг да го реши проблемот со алергии кои ги создаваат мачки

Објавено: 04/Feb/2020 во 17:47

Науката е на праг да го реши проблемот со алергии кои ги создаваат мачки
Постојат многу луѓе кои ги обожаваат мачките, но не можат да ги допрат и да се играат со нив бидејќи алергијата е појака од нив. Веднаш да напоменеме дека луѓето не можат да бидат алергични на крзното од мачката, туку на правот кој е собран на нив како и протеините кои мачката ги лачи. 

Маката на овие луѓе, како и на оние кои се приморени да се дистанцираат од мачките поради други, конечно е решена. 

Биотехнолошка компанија на Универзитетот во Цирих, ХипоПет, од 2013 година работи на вакцини за намалување на алергиски реакции од мачки. 

Алергијата на мачки најчесто ја создава протеинот Фел д1 кој мачката го лачи со плунка, а потоа со лижење се шири преку целото тело на миленикот. 

Научно е докажано дека намалувањето на излагање на протеинот Фел д1 има резултат подобрување на здравствена ситуација и намалување на симптомот на алергијата. 

Вакцината која ја пронашле научниците им се дава на мачките, а делува така што ги спречува алергиските реакции од протеинот Фел д1. Антителата кои мачката ги добива преку вакцината се поврзуваат со фел д1 и на тој начин го намалуваат или неутрализираат неговиот алергиски ефект кај луѓето. 

Компанијата спровела 4 студии во кои учествувале 54 мачки од кои сите покажале успешни резултати. 

Истражувачкиот тим во состав на Хипопет од Цирих открил дека антителата од вакцината успешно се врзува со протеинот Фел д1 и така ја неутрализира алергијата.  

Ова е голем чекор за науката, но и за сите алергични љубители на мачки.


Коментари

Најава






Немате корисничко име, регистрирајте се.
прашајте др. ветеринар
изгубено-најдено