milenicinja.mk » Новости » Волонтери од Вухан се грижат за напуштените миленици

Волонтери од Вухан се грижат за напуштените миленици

Објавено: 11/Feb/2020 во 17:53

Волонтери од Вухан се грижат за напуштените миленици
Во Вухан во Кина каде живеат повеќе од 11 милиони луѓе, а каде се смета дека е епицентарот на корона вирусот, многу животни се оставени сами бидејќи нивните сопственици не можеле да се вратат дома по патување надвор од градот. 

Љубителите на животни од Вухан Пет Лајф Онлајн, како и другите локални волонтери се организирале да им помогнат на кучињата и мачките кои останале сами дома во период на криза од корона вирус. 

Еден анонимен волонтер изјавил дека спасил 2,000 миленици кои останале сами по 23 јануари кога е забранет влез и излез од Вухан. 

Милениците биле наоѓани во куќите и становите без храна и вода бидејќи сопствениците кога заминувале од дома не размислувале за тоа дека нема да можат да се вратат назад. 

Еден четириесетгодишен волонтер изјавил дека тој и неговата екипа спасиле околу 1,000 миленици од 25 јануари, но и дека телефоните не престануваат да ѕвонат. 

По прогласување на епидемија на корона вирусот, многу сопственици се обиделе да ги заштитат своите миленици правејќи им маска, и ако се уште не е докажано дека вирусот може да се пренесе од луѓе на нив. Сепак, ветеринарите не ја препорачуваат оваа заштита бидеји животните не се загрозени. 

Волонтерите велат дека имаат уште многу работа, дека треба да проверат уште 700 домови, но дека работат по приоритети – вршат некој вид на тријажа и им помагаат прво на најзагрозените. 

Браво за овие храбри луѓе кои во најлошите моменти мислат на животните.


Коментари

Најава






Немате корисничко име, регистрирајте се.
прашајте др. ветеринар
изгубено-најдено