milenicinja.mk » Новости » Бездомната Бела конечно пронајде топол дом во Америка

Бездомната Бела конечно пронајде топол дом во Америка

Објавено: 12/Feb/2020 во 17:24

Бездомната Бела конечно пронајде топол дом во Америка
Невладината организација „Pilots N Paws“ им помагаат на волонтерите во транспорт на животни кои се заловени и им се бара дом. Оваа организација ги спојува волонтерите со пилотите кои помагаат животните да се транспортираат. 

На нивната фејсбук страна се најде и кучката Бела која извесно време лутала во околината на Американската амбасада во Скопје. На тој начин успеала да биде забележана. Благодарение на луѓето кои секој ден ја гледале, Бела успеа да пронајде дом во Америка. 

На нивната страна можат да се забележат фотографии од Бела како ужива во транспортот додека пилотите – волонтери ја пренесувале. 

Под фотографиите бил напишан и текстот: 

Бела Дуковска беше бездомно куче кое шеташе по улиците на Скопје, Македонија и се пикаше во редот за виза надвор од амбасадата на САД. Таа беше таму цел ден и кога стигна најнапред во редот, вработените на амбасадата забележаа колку е слатка и не сакаа да дозволат повторно да лута наоколу, посебно Јана Дуковска (од таму и доаѓа името Бела Дуковска). 

Јана и тимот се трудеа многу и Бела доби интернационален лет до Чикаго. Мојот братучед, кој е наредник во Воздухопловство САД и е стациониран во амбасадата, ни се придружи и нѐ поврза сите со вашите прекрасни пилоти кои ја однесоа Бела до Минесота, каде што семејството кое ја вдоми ја чекаше со отворени раце.  

Бела уживаше во летот на слободата и се топеше со вашите пилоти. Го обожаваме тоа што вие го правите, ви благодариме Pilots N Paws.“ 

Се надеваме дека оваа приказна ќе биде мотивација за многу луѓе во светот кои ќе ја покажат својата хуманост и ќе вдомат или ќе помогнат да се најде топол дом на куче кое лута низ улиците.


Коментари

Најава






Немате корисничко име, регистрирајте се.
прашајте др. ветеринар
изгубено-најдено