milenicinja.mk » Новости » Холандија е земја во која не можат да се забележат бездомни кучиња

Холандија е земја во која не можат да се забележат бездомни кучиња

Објавено: 14/May/2020 во 15:20

Холандија е земја во која не можат да се забележат бездомни кучиња
Холандија е прва држава во која нема бездомни кучиња, а еве како го направиле тоа. 

Со проблемот со напуштени животни се соочиле сите земји во светот, но само една успеала да го реши. Станува збор за Холандија чиј пример треба да биде прифатен од сите. 

Овој проблем го решиле со помош на програмата „залови-стерилизирај-вакцинирај-чипирај – врати“. На тој начин Холандија станала прва земја во светот која ги спасила животните од осаменост и терор кој го носи животот на улица.

 Но, во минатото не било така. Во 19 век на овие простори имало огромен број на кучиња и речиси секое семејство имало по едно куче. Во тој период кучето било симбол на статус. Голем дел од нив добиле беснило поради што луѓето започнале масовно да ги напуштаат. Улиците станале преполни со бездомници. Властите се одлучиле да се изборат со овој проблем така што организирале денови за стерилизација чии трошоци во целост биле на сметка на државата. 

Секое куче добило и ветеринарен преглед, како и лекување доколку е потребно. Покрај тоа, државата одлучила да го зголеми порезот за одгледувачниците на кучиња . Се заостриле и законите, поради што луѓето кои малтретирале или им наштетувале, завршувале до три години затвор или добивале парична казна од 16.000,00 долари. 

За да се крене совеста за отфрлање на кучињата, државата покренала кампања во која луѓето имале можност по неколку дена да се грижат за бездомни животни, а по завршување на кампањата околу 90% од кучињата станале засекогаш вдомени. 

Благодарение на сите мерки, кучињата добиле домови, но и дозволен пристап во многу продавници, ресторани и кафулиња. Холандија навистина е земја чиј пример треба да се следи во сите земји на светот.


Коментари

Најава






Немате корисничко име, регистрирајте се.
прашајте др. ветеринар
изгубено-најдено