milenicinja.mk » Новости » Лековити билки кои можат да се користат во исхрана на куче

Лековити билки кои можат да се користат во исхрана на куче

Објавено: 19/May/2020 во 15:24

Лековити билки кои можат да се користат во исхрана на куче
Спротивно од билките кои можат да бидат токсични и опасни за вашиот миленик, постојат и оние кои дејствуваат благотворно и кои слободно можат да се користат во исхраната на кучето. Секако, сите овие билки или продукти треба да се користат во консултација со ветеринар. Претерувањето никому не му донело нешто добро. 

Оригано 

Сите ја знаеме оваа билка како додаток во пица. Богата е со флавоноиди, антиоксиданти и се користи како антимикробен лек. Добар е при проблем со дијареја и гасови. Постојат и истражувања кои докажуваат антибактериско својство кај маслото од оваа билка. При користење на маслото треба да се има на ум дека истото содржи висока концентрација поради што треба да се пристапи внимателно. Постојат и посебни капки масло од оригано направени токму за кучиња. 

Рузмарин 

Рузмарин содржи голема количина калциум и витамин Б6. Исто така докажано е дека се користи како силен антиоксидант. Но, и ако е доста богат, не може да ги замени основните намирници кои содржат калциум и Б6. 

Ментол и нане 

Овие ароматични билки некогаш се користеле за смирување на стомакот, гасовите и мачнините. Некои истражувања покажуваат дека билките имаат радиопротективни ефекти. Тоа значи дека можат да се користат кај болести предизвикани од радијација кај кучињата кои се изложени на хемотерапија. Внимание треба да се посвети на дозирањето бидејќи висока доза може да предизвика проблеми со бубрезите и црниот дроб.


Коментари

Најава






Немате корисничко име, регистрирајте се.
прашајте др. ветеринар
изгубено-најдено