milenicinja.mk » Новости » Девојка со помош на куче го надмина проблемот со анксиозност

Девојка со помош на куче го надмина проблемот со анксиозност

Објавено: 20/May/2020 во 15:18

Девојка со помош на куче го надмина проблемот со анксиозност
Али уште од седмо одделение пати од анксиозност. Средното училиште и било неподносливо и не би сакала да се присетува на тој период. Никогаш не била дел од оние „кул“ девојки, а вклопувањето во друштво дополнително ги отежнувале нејзините напади. 

По 20 години од првиот напад од аксиозност таа научила да се носи со својата болест и да владее со неа. За тоа, се разбира, и било потребно многу труд. Минатата година и била најтешка, но кога излегла од големата криза, одлучила да си ја оствари желбата и набавила куче. 

Така во нејзиниот живот влегла Руби, мешанец од териер и чивава. Тоа било љубов на прв поглед. Кога Руби се појавила со својот опаш и малите шепи, Али знаела дека тоа било нејзино куче. 

Али била свесна за одговорностите кои ги носи усвојувањето на кучето, но знаела дека се тоа многу ќе и се исплати. Така и било. Според нејзините зборови, од првиот ден по доаѓањето на Руби, ситуацијата и се променила, особено кога станува збор за нејзината борба со анксиозност и депресија. 

Шетањето со Руби и помага да се носи со болеста, да ги насочи мислите на друга страна и да се фокусира не некои други задачи. Исто така, таа тврди дека Руби и дава сигурност и се чувствува заштитено и безбедно од светот околу себе. 

Руби не може да и ја оттргне депресијата и анксиозноста во потполност, но секој ден ја потсетува дека се исплати да се излезе од мрачните мисли и дека љубовта кон кучето или кон било кој друг е повредно од било што во светот.


Коментари

Најава






Немате корисничко име, регистрирајте се.
прашајте др. ветеринар
изгубено-најдено