milenicinja.mk » Новости » Во светот стерилизацијата на домашните миленици се подразбира

Во светот стерилизацијата на домашните миленици се подразбира

Објавено: 21/May/2020 во 15:21

Во светот стерилизацијата на домашните миленици се подразбира
Оваа интервенција е превенција на голем број сериозни и тешки здравствени заболувања, позитивно влијае на однесувањето на мачките, а воедно на тој начин се контролира бројот на уличните мачки. 

Стерилизацијата на домашните миленици, пред се мачките, во нашава земја се уште е тема која е проследена со многу заблуди. Во земјите ширум светот, овој хируршки зафат се подразбира и е обврска на секој одговорен сопственик кој води сметка за здравјето на миленикот. 

Предности од интервенцијата: 

Стерилизацијата е хируршки зафат со целосна анестезија при која на мачката и се отстрануваат репродуктивните органи, односно јајниците и матката. Оваа интервенција има три бенефиции: 

Бенефиции за самото животни – воедно и најважното, се однесува на тоа што стерилизацијата претставува превентива за многу болести: бенигни и малигни тумори на млечните жлезди, на матката, пиометра (гнојно воспаление на матката), како и тумор на јајници. Женките кои боледуваат од дијабетес, болести со штитната жлезда и заразните болести ФеЛВ и ФИВ задолжително треба да се стерилизираат како дел од третман на овие болести. 

Бенефиции за сопственикот се гледаат по тоа што милениците по стерилизација се помирни, помалку лутаат и помалку бегаат од дома и од своето семејство. Нестерилизираните мачки во период на парење се активни, многу чувствителни и бучни. Доколку имаат можност излегувааат надвор и не се враќаат дома по неколку дена. Кога ќе се вратат најчесто се прегладнати, со слаб имунитет, па можно е да имаат и рани по телото и главата. 

Бенефиции за друштво се гледаат по тоа што неконтролираното парење доведува до зголемен број на мачки бездомнички по улиците. Оваа слика е многу тажна и нехумана, поради тоа светската ветеринарна организација советува на одговорност и стерилизација на домашните миленици.


Коментари

Најава






Немате корисничко име, регистрирајте се.
прашајте др. ветеринар
изгубено-најдено