milenicinja.mk » Новости » На малите кученца им се потребни повеќе витамини и минерали

На малите кученца им се потребни повеќе витамини и минерали

Објавено: 19/Jun/2020 во 15:31

На малите кученца им се потребни повеќе витамини и минерали
Храната би требало да биде комплетна, урамнотежена и лесна за варење, за да може малото кученце најдобро и најбрзо да ги искористи сите состојки од храната. 

Здравиот почеток на животот и здравите навики од самиот почеток се предуслов за долг и здрав живот. Ова важи, како за луѓето, така и за нашите четириножни пријатели. 

Поради тоа е јасно зошто на исхраната за малите мораме да обрнеме посебно внимание. 

Мајчино млеко и мали кученца 

Бременоста кај кучињата трае околу два месеци. Потоа кучката го носи малите на овој свет кои се неспособни за самостоен живот и во целосност зависат од мајката. 

Првата и основната храна кај сите цицачи е мајчиното млеко. Во тој период млекото е незаменливо и во него се наоѓаат сите хранливи материи кои се неопходни за живот и развој на овие суштества. 

Како поминува времето, мајчиното млеко не може повеќе да ги задоволува сите потреби на малото за понатамошен раст, па на возраст од околу месец дена треба да се започне до додавање на поцврста храна во исхраната. 

Раст и развој на кучето 

Потребите на малото во овој период не се исти како потребите на возрасни кучиња, или потреби на луѓето, туку им е потреба посебна храна прилагодена на нивните специфични потреби, т.е. комплетно готова храна за јуниор. 

Имајќи во предвид дека кучињата имаат посебна динамика на раст, а постојат и големи расни разлики, периодот на растење може различно да трае. Кучињата растат 12 пати повеќе од бебињата. Човекот станува потполно телесно зрел на околу 18 години. Малите раси на кучиња созреваат околу деветиот месец, средните раси од 12 до 15 месеци, а големите и џиновските раси помеѓу 18 и 24 месеци. 

Во овој период најважно е кучето да изгради јак имунитет, да развие јаки и силни коски и заби, како и мускулна маса. Поради тоа на малите им е потребно повеќе енергија, масти, витамини и минерали, особено калциум и фосфор во исхраната. 

Комплетно готова храна за мали 

Формула за здрав почеток е месото кое му помага на кучето да изгради силни мускули. Храната за малите кучиња е направена во соодветна пропорција и природни влакна кои лесно се искористуваат. 

Исто така содржи и специјална мешавина на витамин Е и антиоксиданти кои на малото му помага да изгради јак имунолошки систем. 

Постапката за воведување цврста храна треба да биде постепено. Додека се уште цицаат, како додаток може да биде цврстата храна. На почеток меки грицки за да може кучето лесно да ги консумира. 

Со тек на време се поголем број оброци треба да бидат заменети со готова храна, додека кучето целосно да престане со цицањето. 

Дозирање на храна 

Важно е да се знае дека потребите на малите кученца се големи, а капацитетот на нивниот желудник е мал и не може одеднаш ја прима голема количина храна. Поради тоа на малите треба да им се даваат оброци во мала количина. На почеток јадат околу шест оброци на ден, а како растат, бројот на оброци се намалува, а количината по оброк се зголемува. Кога ќе достигнат потполна зрелост, постепено се преминува на храна за возрасни.


Коментари

Најава






Немате корисничко име, регистрирајте се.
прашајте др. ветеринар
изгубено-најдено