milenicinja.mk » Новости » Сода бикарбона им помага и на домашните миленици

Сода бикарбона им помага и на домашните миленици

Објавено: 23/Jun/2020 во 15:35

Сода бикарбона им помага и на домашните миленици
Луѓето не се единствените кои здравствена помош можат да пронајдат во својата кујна. Ваквите лекови им помагаат и на животните.  

Секако, не сите домашни лекови кои ги користиме ние, се погодни за лекување на нашиот четириножен пријател. Но, еден е испробан и дејствува во ублажување на мачнини и кај миленикот и кај луѓето, а тоа е сода бикарбона која е базна па ја неутрализира киселината. 

Правта која ја користиме за чистење, за нега на лице, за печење колачи, дејствува и кај стомачни мачнини кај животните, тврдат ветеринарите. Сода бикарбона ја неутрализира киселината која се создава во желудникот и ја смирува желудечната слузника. 

Како ќе знаете дали вашиот миленик има воспаление на желудичната слузница? 

Ветеринарите велат дека знаци тоа се знаци на повраќање, зголемено консумирање на вода, потиштеност и одбивање на храна.  

При лекување на мало животинче со сода бикарбона, со врвот на ножот нанесете од содата и измешајте во храна. Уште подобар метод е содата да ја измешате со вода и со помош на шприц дирекно да ја истурите во устата на миленикот еден час по оброкот. 

Оние кои преферираат точна количина, можат да измерат 50 милиграми сода по килограм телесна тежина и да му ја даваат на миленикот на секои 12 часа. 

Сепак, лекувањето со овој напиток не треба да биде долгорочно решение. Ако симптомите на гастритис кај вашиот миленик не се повлечат по два дена, консултирајте се со ветеринар.


Коментари

Најава






Немате корисничко име, регистрирајте се.
прашајте др. ветеринар
изгубено-најдено